14 हेरोदेस राजा एकर बारे म सुनिस, काबरकि यीसू के नांव ह जम्मो अंग फईल गे रहय। कुछू मनखेमन कहत रिहिन, "यूहन्ना बतिसमा देवइया ह मरे म ले जी उठे हवय अऊ एकर कारन ओकर दुवारा चमतकार के काममन होवत हवंय।"
15 आने मन कहिन, "ओह एलियाह अय।"
अऊ कतको मन कहत रिहिन, "ओह पहिली के अगमजानीमन सहीं एक झन अगमजानी अय।"
16 पर जब हेरोदेस ह येला सुनिस, त ओह कहिस, "येह यूहन्ना बतिसमा देवइया ए, जेकर मुड़ ला मेंह कटवा दे रहेंव, ओहीच ह जी उठे हवय!"