मत्ती 12

यीसू के दाई अऊ भाईमन

46 जब यीसू ह मनखेमन ले गोठियावत रिहिस, त ओकर दाई अऊ भाईमन आके बाहिर खड़े रिहिन अऊ ओमन ओकर ले बात करे चाहत रिहिन। 47 एक झन ह यीसू ला कहिस, "तोर दाई अऊ भाईमन बाहिर म ठाढ़े हवंय अऊ तोर ले बात करे चाहत हवंय।"

48 पर यीसू ह ओ मनखे ला कहिस, "कोन ह मोर दाई अय, अऊ कोन मन मोर भाई अंय?" 49 अऊ यीसू ह अपन चेलामन कोति अपन हांथ ला लमाके कहिस, "येमन अंय मोर दाई अऊ मोर भाई। 50 काबरकि जऊन ह मोर स्वरग के ददा के ईछा मुताबिक चलथे, ओहीच ह मोर भाई, मोर बहिनी अऊ मोर दाई अय।"