मत्ती 16

पतरस ह यीसू ला मसीह मान लेथे

13 जब यीसू ह कैसरिया-फिलिप्पी के इलाका म आईस, त ओह अपन चेलामन ले पुछिस, "मनखेमन मनखे के बेटा ला कोन ए, कहिथें?"

14 ओमन कहिन, "कुछू मनखेमन कहिथें कि ओह यूहन्ना बतिसमा देवइया अय; कुछू मन एलियाह अय, कहिथें; अऊ कुछू मनखेमन कहिथें कि ओह यरमियाह या अगमजानीमन ले एक झन अय।"

15 यीसू ह ओमन ले पुछिस, "पर तुमन मोला कोन ए, कहत हव?"

16 सिमोन पतरस ह जबाब दीस, "तेंह जीयत परमेसर के बेटा—मसीह अस।"