जोतिसीमन मसीह करा जाथें
1 जब हेरोदेस राजा ह राज करत रिहिस, त यहूदिया प्रदेस के बैतलहम गांव म यीसू के जनम होईस, तब पूरब दिग के देस म ले कुछू जोतिसीमन यरूसलेम2:1 यरूसलेम ह यहूदी मनखेमन के खास सहर अय। सहर म आईन, 2 अऊ मनखेमन ले पुछिन, "ओ लइका के जनम कहां होईस हवय, जऊन ह यहूदीमन के राजा अय? हमन पूरब दिग म ओकर तारा देखे हवन अऊ ओकर अराधना करे बर आय हवन।"2:2 गन 24:17
3 ये सुनके हेरोदेस राजा अऊ यरूसलेम सहर के जम्मो मनखेमन घबरा गीन। 4 राजा ह मनखेमन के जम्मो मुखिया पुरोहित अऊ कानून के गुरूमन ला एक जगह म बलाईस अऊ ओमन ले पुछिस, "मसीह के जनम कहां होना चाही?" 5 ओमन कहिन, "यहूदिया प्रदेस के बैतलहम गांव म, काबरकि अगमजानी ह अइसने लिखे हवय:
6 " ‘हे यहूदा प्रदेस के बैतलहम गांव,
तेंह यहूदा प्रदेस के बड़े सहरमन ले कोनो भी किसम ले छोटे नो हस,
काबरकि तोर म ले एक झन सासन करइया निकलही,
जऊन ह मोर मनखे इसरायलीमन के रखवारी करही।’2:6 मीका 5:2"