45 ओ मंझनियां बारह बजे ले लेके तीन बजे तक जम्मो देस ऊपर अंधियार छाय रिहिस। 46 करीब तीन बजे यीसू ह जोर से नरियाके कहिस, "एली, एली, लमा सबकतनी?" (जेकर मतलब होथे, "हे मोर परमेसर, हे मोर परमेसर, तेंह मोला काबर छोंड़ देय?)"27:46 भजन 22:1
50 अऊ यीसू ह फेर जोर से गोहार पारिस अऊ अपन परान ला तियाग दीस।
51 ओतकीच बेरा मंदिर के परदा ह ऊपर ले खाल्हे तक चीराके दू कुटा हो गीस। धरती ह कांप उठिस अऊ चट्टानमन तड़क गीन 52 अऊ कबरमन उघर गीन अऊ कतको मरे पबितर मनखे के देहेंमन फेर जी उठिन। 53 ओमन कबर म ले बाहिर निकलिन, अऊ यीसू के जी उठे के बाद, ओमन पबितर सहर म गीन अऊ कतको मनखेमन ला दिखिन।
54 जब सिपाहीमन के अधिकारी27:54 एक सूबेदार के अधीन एक सौ सैनिक रहंय। अऊ ओकर संग के सैनिक, जऊन मन यीसू के पहरा देवत रिहिन, भुइंडोल अऊ ओ जम्मो घटना ला देखिन, त अब्बड़ डरा गीन अऊ ओमन कहिन, "सही म येह परमेसर के बेटा रिहिस।"