2 कुछू मनखेमन लकवा के मारे एक मनखे ला ओकर करा लानिन; ओ मनखे ह खटिया म पड़े रहय। जब यीसू ह ओमन के बिसवास ला देखिस, त ओह लकवा के मारे मनखे ला कहिस, "बेटा, खुसी मना! तोर पाप ह छेमा हो गे।"

3 येला सुनके, मूसा के कानून के कुछू गुरूमन अपन मन म कहिन, "ये मनखे ह परमेसर के निन्दा करत हवय!"

4 ओमन के मन के बात ला जानके यीसू ह कहिस, "तुमन अपन मन म काबर अइसने खराप बात सोचत हवव? 5 कते बात ह सरल ए? ये कहई, ‘तोर पाप ह छेमा हो गीस,’ या फेर ये कहई, ‘उठ, अऊ चल फिर।’ 6 मेंह तुमन ला देखाहूं कि मनखे के बेटा ला धरती म पाप छेमा करे के अधिकार हवय।" तब ओह लकवा के मारे ला कहिस, "उठ, अपन खटिया ला उठा अऊ घर जा।" 7 अऊ ओ मनखे ह उठिस अऊ अपन घर चल दीस।