33 तब इसरायलीमन यहोवा के पहाड़ ले आघू बढ़िन अऊ तीन दिन तक चलते रिहिन। ओ तीन दिन के दौरान, यहोवा के करार के सन्दूक ह ओमन बर एक ठन अराम के जगह के खोज म ओमन के आघू-आघू बढ़ते रिहिस। 34 जब ओमन डेरा ले आघू बढ़ंय, त दिन के बेरा यहोवा के बादर ह ओमन के ऊपर बने रहय।

35 जब भी सन्दूक ह आघू बढ़य, त मूसा ह कहय,

"हे यहोवा, उठ!

तोर बईरीमन तितिर-बितिर हो जावंय;

तोर बईरीमन तोर आघू ले भाग जावंय।"

36 जब भी सन्दूक ह ठहर जावय, त मूसा ह कहय,

"हे यहोवा, इसरायल के

हजारों-हजार मनखेमन करा लहुंट आ।"