17 कहूं कोनो तुम्हर बुरई करथे, त बदले म, ओकर बुरई झन करव। ओ काम करे के कोसिस करव, जऊन ला जम्मो झन सही समझथें। 18 जिहां तक हो सकय, तुमन जम्मो झन के संग सांति के साथ रहे के भरसक कोसिस करव। 19 हे मोर मयारू संगवारीमन! काकरो ले बदला झन लेवव, पर येला परमेसर के ऊपर छोंड़ देवव; परमेसर के कोरोध ओकर ऊपर भड़कही। काबरकि परमेसर के बचन म ये लिखे हवय, "परभू ह कहिथे, ‘बदला लेवई मोर काम ए, मेंह बदला लूहूं।’12:19 ब्यव 32:35" 20 परमेसर के बचन म ये घलो लिखे हवय,
"यदि तोर बईरी ह भूखा हवय,
त ओला खाना खवा, यदि ओह पीयासन हवय, त ओला पीये बर कुछू दे।
अइसने करे ले, ओह लज्जित होही।"12:20 नीति 25:21, 22
21 बुरई ले झन हारव, पर भलई करे के दुवारा बुरई ला जीत लेवव।