36 जइसने कि परमेसर के बचन म लिखे हवय:

"तोर बर, हमन दिन भर मिरतू के जोखिम म रहिथन;

हमन ओ भेड़ सहीं समझे जाथन, जऊन मन के बध होवइया हवय।"*

37 ये जम्मो चीज म, हमन मसीह यीसू के जरिये बिजयी होथन, जऊन ह हमर ले मया करिस। 38 काबरकि मोला पूरा भरोसा हवय कि न तो मिरतू, न जिनगी, न स्वरगदूतमन, न परेत आतमामन, न तो बर्तमान न भविस्य, न कोनो सक्ति, 39 न तो ऊंचई न गहरई अऊ न जम्मो सिरिस्टी म कोनो आने चीज हमन ला परमेसर के मया ले अलग कर सकथे, जऊन ह हमर परभू मसीह यीसू म हवय।