अदर
1 अह च़िठी आसा मंऐं पल़सी लिखी दी। हुंह आसा परमेशरे मरज़ी दी मसीहो शधाणूं हणां लै छ़ांटअ द। मुंह संघै आसा इधी मेरअ साथी विश्वासी भाई सोस्थिनेस बी ज़ुंण मेरी मज़त करा।
2 हुंह लिखा ऐहा च़िठी करिन्थ नगरी मसीहा दी विश्वास करनै आल़ी टोली लै, ज़ुंण परमेशरै हाम्हां संघै मसीहा ईशू दी एक करी आपणीं परज़ा हणां लै ज़ुदै किऐ अर तेऊ आप्पू लै आसा शादै दै कि तिंयां पबित्र होए। परमेशरै किऐ तम्हैं पबित्र ज़िहअ तेऊ हर ज़ैगा सोभी लोगा लै किअ ज़ुंण प्रभू ईशू मसीहा दी विश्वास करा ज़ुंण हाम्हां सोभिओ प्रभू आसा।
3 म्हारै बाब परमेशर अर प्रभू ईशू मसीहा का आसा मेरी एही अरज़ कि तम्हां सोभी लोल़ी झींण अर शांती सदा हुई।