1 करिन्थी 1

20 हाम्हां एछा एता करै एही समझ़ कि ज़ुंण आप्पू अक्ली आल़ै फिरा तिन्‍नें अक्ल आसा बृथा। ज़ुंण खास्सै पहल़ै दै शास्त्री एऊ संसारै गल्‍ला करने ज़ाणकार आसा तिन्‍नें बी निं किछ़ै किम्मत आथी। परमेशरै किई अह गल्‍ल प्रगट कि ज़ुंण अक्ल इधी एऊ संसारै आसा, तेते निं तेऊ संघै किछ़ै किम्मत आथी।✝1:20 रोम. 1:22

21 किल्हैकि परमेशर आसा खास्सअ समझ़कार तेऊ का आसा थोघ कि संसारे मणछ निं आपणीं समझ़ अर ज्ञैना करै तेऊ सेटा पुजी सकदै। तैही खोल्ही परमेशरै खुशीए समादा करै मणछा बच़ाऊंणे एक होर बात, ज़ेऊ खुशीए समादा हाम्हैं खोज़ा, च़ाऐ विश्वास नांईं करनै आल़ै एता लै ऐडी गल्‍ल किल्है निं समझ़े।