16 ज़ेभै हाम्हैं प्रभू भोज़ा दी एकी प्रिहअ का दाख रस झुटा, ज़ेता लै हाम्हैं परमेशरो शूकर करा, हाम्हैं हआ असली ईशू मसीहे लोहू दी साझ़ू। ज़ांऊं हाम्हैं रोटी चोल़ी करै खाआ अर हाम्हैं हआ असली दी मसीहे देही दी साझ़ू। 17 ज़ै कि एक्कै ई रोटी आसा ज़ुंण मसीहा आसा। तै हआ हाम्हैं खास्सै बी एक किल्हैकि हाम्हैं खाआ तैहा एकी ई रोटी का।
18 इज़राईलीए बारै सोठा, ज़ेभै सोभी मणछै परमेशरै दैनी दी रोटी खाई, तिंयां हुऐ बेदीए तेऊ बल़ीदाना दी साझ़ू। ठीक इहअ ई ज़ुंण मुहुर्ती दी बल़ीदान किई दी रोटी खाआ, तिंयां बी हआ तिन्नां मुहुर्तीए पूज़ा दी साझ़ू।