23 किल्हैकि ज़ुंण शिक्षा मंऐं तम्हां लै आसा दैनी दी तिंयां आसा तिंयां ई ज़ुंण मुंह प्रभू का आसा भेटी दी। ज़हा राची प्रभू ईशू कैद करनै बझ़ैल़अ, प्रभू ढाकी रोटी आपणैं हाथै 24 तेखअ परमेशरो शूकर करी सह रोटी चोल़ी अर तिन्नां लै दैनी इहअ बोली, "अह रोटी आसा मेरी देही, ज़ुंण मंऐं तम्हां लै दैनी, मुंह आद करना लै करै तम्हैं इहअ ई।"
25 रोटी का बाद ढाकअ तेऊ एक दाखे रसा करै भरअ द प्रिहअ बी संघा बोलअ, "अह प्रिहअ आसा मेरै लोहू दी परमेशरे मणछा लै नऊंईं करार ज़ेभै तम्हैं एता झुटे, मेरी आदी दी करै इहअ ई।" 26 ज़ेभै बी तम्हैं ऐहा रोटी खाए, अर एऊ प्रिहअ झुटै; प्रभूए मौतो प्रच़ार रहै करदै लागी, ज़ेभै तैणीं सह फिरी निं एछे।