1 करिन्थी 12

8 परमेशरे आत्मां एकी मणछा लै इहअ प्रच़ार करनैओ गूण ज़ेथ अक्लीए गल्‍ला आसा अर सह ई आत्मां दैआ दुजै मणछा लै इहअ प्रच़ार करनैओ गूण ज़ेथ खास्सअ ज्ञैन आसा।

9 कोई लै दैआ पबित्र आत्मां मसीहा दी पाक्‍कअ विश्वास डाहणेंओ गूण अर दुजै मणछा लै दैआ सह ई आत्मां बमार मणछा ठीक करनैओ बरदान। 10 पबित्र आत्मां दैआ एकी मणछा लै च़मत्कार करने शगती अर दुजै लै दैआ परमेशरो समाद खोज़णेंओ बरदान अर एकी होरी लै दैआ ऐहा गल्‍ला परखणैंओ बरदान कि ज़ुंण बरदान आसा, सह पबित्र आत्मां बाखा आसा कि कदुष्ट आत्मां बाखा आसा? कोई लै दैआ सह कई रंगे भाषा-बोली बोल़णैंओ बरदान ज़ुंण तेऊ कधि निं होए शिखल़ी दी, अर कोई लै दैआ सह तैहा भाषा-बोलीओ मतलब खोज़णेंओ बरदान ज़ुंण तेऊ कधि निं शिखल़ी।