कंज़रै निं हणअ
12 तम्हां मांझ़ै सका कई इहअ बोली, "बधाने साबै सका हाम्हैं सोभै गल्ला करी किल्हैकि हाम्हैं आसा विश्वासी।" तै आसा ठीक, पर हुंह बोला तम्हां लै इहअ कि सोभै गल्ला निं फाईदे आथी। हुंबी सका बोली, "हुंह सका बधाने साबै सोभै गल्ला करी।" पर मुंह निं तिंयां करनी किल्हैकि हुंह निं च़ाहंदअ कि हुंह कोई बी गल्लो गलाम बणू। 13 कोई सका तम्हां मांझ़ै इहअ बी बोली, "रोटी आसा देहीए तैणीं, अर देही आसा रोटीए तैणीं।" पर हुंह बोला इहअ कि परमेशरा करनी ईंयां दुहै च़िज़ा ज़ांऐं। अह देही निं कंज़रैई करना लै आथी, अह आसा प्रभूए तैणीं, अर प्रभू करा म्हारी देहीए हेर-सभाल़।
15 तम्हां का आसा थोघ कि थारी देही आसा मसीहे आंग। तै हुंह तेऊ आंगा ज़ुंण मसीहो आसा तेता कै हुंह कंज़री बेटल़ी संघै करूं साझ़ू? इहअ निं हई सकदअ!
18 कंज़रैई करनै का रहा दूर! देही दी निं होर पाप तेतरअ असर करदै ज़ेतरअ अह पाप करा। कंज़रैई करनै आल़अ मणछ करा आपणीं देहीए खलाफ पाप।