1 करिन्थी 7:29-31

29 भाईओ, हुंह बोला इहअ कि मसीहा फिरी एछणा लै निं खास्सअ बगत बच़अ, तैही बोला हुंह कि ऐहा गल्‍ले खास्सी फिकर निं करा कि तम्हैं बैह आसा किअ द कि नांईं। पर प्रभू च़ाकरी करने बारै रहा सोठदै लागी। 30 ज़ुंण लेरा लाआ या ज़ुंण खुश आसा या ज़ुंण आप्पू लै च़िज़ा लआ मोलै तिंयां निं इना सोभी गल्‍ले खास्सी फिकर करनी। किल्हैकि एता करै बिस्सर्नै तम्हैं प्रभूए च़ाकरी करनी। 31 ज़ुंण बी हाम्हां एऊ संसारै आसा, हाम्हां लागा तिंयां च़िज़ा एही समझ़णीं कि एते निं किज़ै किम्मत ई आथी किल्हैकि एऊ संसारे सोभै गल्‍ला हणीं एकी धैल़ै खतम।