10 किल्हैकि, ताखा ता आसा थोघ कि ईंयां मुहुर्ती निं असली परमेशर आथी अर तूह खाआ मुहुर्तीए देहुरै। पर ज़ुंण विश्वासा दी दुबल़अ आसा सह सोठा इहअ कि, ज़ै सह इहअ करे, तै आसा अह पाप। तिधी ताह खांदै भाल़ी सका तेऊ बी मुहुर्ती दी बल़ीदान किई दी च़िज़ा खाणें हिम्मत पल़ी। 11 सह भाई ज़ुंण विश्वासा दी दुबल़अ आसा अर ज़सरी तैणीं मसीहा आपणीं ज़ान दैनी, तेरै खास्सै ज्ञैना पिछ़ू छ़ाडअ तेऊ मसीहा दी विश्वास करनअ।
12 इहअ करै करा तम्हैं मसीहा दी आपणैं विश्वासी भाई-बैहणी तिन्नां गल्ला करना लै हैअ दैई पाप ज़ेता लै तिंयां गलत समझ़ा। 13 तैही ज़ै मेरै मुहुर्ती दी बल़ीदान किई दी च़िज़ा खाई करै मेरअ विश्वासी भाई प्रभू का दूर हआ, तै रहणअ मुंह इहै खाणैं-पिणैं का सदा दूर ज़ेता करै मेरअ साथी-भाई प्रभू दी विश्वास करनअ छ़ाडा।