7 मेरै पैरै भाईओ, हुंह निं तम्हां लै किछ़ै नऊंअ हुकम लिखदअ, पर ईंयां आसा तिंयां ई पराणैं हुकम ज़ुंण तम्हां सेटा शुरू का आसा भेटै दै, ईंयां पराणैं हुकम आसा तिंयां ई बैण ज़ुंण तम्हैं तधू आसा शूणैं दै ज़धू तम्हैं मसीहा दी विश्वास किअ। 8 तेखअ लिखा हुंह तम्हां लै एक नऊंअ हुकम, अह आसा असली सह सत्त ज़ेथ मसीहा त अर तम्हैं बी आसा। किल्हैकि न्हैरै ज़ेही बूरी गल्‍ला लागी दूर हंदी अर सत्तो प्रैश्शअ लागअ च़मकदअ।