3 किल्हैकि परमेशर च़ाहा इहअ कि तम्हैं हआ पबित्र मतलब-कंज़रैई का रहै दूर 4 अर तम्हां मांझ़ै लोल़ी सोभी का थोघ हुअ कि आपणीं बेटल़ी संघै किहअ करै रहणअ, ज़िहअ करै तेसो अदर हआ अर तैहा छ़ाडी बागै डेऊणेओ पाप निं करी। 5 एऊ कामां निं सिधअ आपणीं देही खुश करने च़ाहा पूरी करना लै करी, अर नां तिन्‍नां होरी ज़ाती ज़िहअ हई ज़हा का परमेशरो थोघ निं आथी। 6 आपणीं देही डाहणीं आपणैं बशै अर नां आपणीं देहीए भुखा लै आपणैं भाई ठगी अर नां तेऊ लै कोई दाअ-पेच़ च़लाऊई। किल्हैकि प्रभू दैणीं इना सोभी गल्‍ला पिछ़ू सज़ा, ज़िहअ कि हाम्हैं पैहलै बी तम्हां का बोलअ अर चतैनगी बी दैनी।✝

7 किल्हैकि परमेशरै निं हाम्हैं छ़ोतलै हणां लै आथी शादै दै पर हाम्हैं आसा पबित्र हणां लै शादै दै।