2 पतरास 3:3,4

3 सोभी का ज़रूरी गल्‍ल आसा अह कि तम्हां का लोल़ी थोघ लागअ कि खिरीए धैल़ी मसीहा एछणैं का आजी हणैं इहै लोग; तिन्‍नां बणाणअं थारअ ऐहा गल्‍ला पिछ़ू मखौल कि तम्हैं करा इहअ विश्वास कि मसीहा एछणअ भिई फिरी। तिन्‍नां हणअ एही बूरी गल्‍ला करनैओ भैस्स पल़अ द ज़ेता करै तिंयां खुश हआ। 4 तिन्‍नां बोल़णअ इहअ कि तेऊए फिरी एछणें करार निं शुची आथी! सह निं कधि एछणैं आल़अ आथी! किल्हैकि ज़ुंण शुरू दी म्हारै दाद-बाब तै तिंयां मूंऐं सोभ, पर आझ़ तैणीं निं किछ़ै बदल़अ। सोभै गल्‍ला आसा कबल्‍ली ज़ेही कै तेही हंदी, ज़ेही तधू ती ज़धू परमेशरै संसार बणाअं।