14 सोभी का ज़रूरी गल्‍ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़। 15 सह आसा मसीहा ई थारअ परमेशरा संघै अर एकी-दुजै संघै मेल़-ज़ोल़ करा, थारअ सभाब लोल़ी तिहअ शांती दी रहअ। तम्हैं आसा तेऊ एते ई तैणीं एक देही हणां लै शादै दै। कबल्‍लै रहा परमेशरो शूकर करदै लागी।

16 ज़ुंण तम्हैं मसीहा का आसा शिखल़अ द, तिन्‍नां हर गल्‍ला मनी ज़िऊआ आपणीं ज़िन्दगी परमेशरे मरज़ी दी। एकी-दुजै लै दैआ आपणीं अक्ल करै समझ़ाऊंणी अर सखाऊंणी ज़ुंण तम्हां परमेशरा का आसा भेटी दी। भज़न, गाऊंण अर आत्मिक गिहा करै रहा परमेशरे स्तोती अर शूकर करदै लागी। 17 बैणा करै या कामां करै ज़ुंण बी तम्हैं करा, सोभै करा प्रभू ईशूए नाओंए, अर प्रभू ईशू करै करा परमेशरो शूकर।