14 पर प्रभू का मज़त मांगणै का आजी आसा तिन्‍नां तेऊ दी विश्वास करने ज़रुरत। तिंयां तेऊ दी विश्वास करी सके तेता का आजी आसा तिन्‍नां तेऊए बारै शुणने ज़रुरत अर तिंयां प्रभूए बारै शूणीं सके तेता लै हुअ तिन्‍नां का कहा खोज़णअ ज़रूरी। 15 ज़ुंण मसीहे बारै तिन्‍नां का खोज़े तिंयां निं तेभै तैणीं किछ़ करी सकदै ज़ेभै तैणीं परमेशर तिन्‍नां आप्पै निं छ़ाडे।

ज़ै कुंण विश्वासी प्रच़ार करे, अह हणीं शास्त्रा दी लिखी दी गल्‍ला ज़ेही, "तिन्‍नां लोगो एछणअ किअ भलअ हआ ज़ेभै तिंयां खुशीओ समाद खोज़ा।"✝10:15 ईशा. 52:7; नहू. 1:15

16 पर सोभी निं खुशीए समादा दी विश्वास किअ, परमेशरो गूर ईशायाह बोला आसा इहअ बोलअ, "हाम्हैं ज़ुंण समाद खोज़अ तेतो निं कोही विश्वास किअ।"✝10:16 ईशा. 53:1

17 "विश्वास हआ समाद शूणीं अर समाद आसा मसीहे बारै बैण।"