स्वर्ग राज़े बारै ज़िम्मैंबारी
1 हरेक मणछ रहै सरकारी अफसरे डरा हेठै, किल्हैकि राज़ करनै आल़ै मांझ़ै निं इहअ कोह आथी ज़ुंण परमेशरा बाखा का नांईं आथी। तिन्नां लै ज़ुंण राज़ करनैओ हक आसा परमेशरै ई दैनअ द।13:1 तित. 3:1
2 इहअ करै ज़ुंण बी मणछ राज़ करनै आल़ै अफसरा लै द्रोह करा, सह करा परमेशरे बधाना लै द्रोह, अर बधाने द्रोह करनै आल़ै भेटणीं सज़ा।
3 ज़ै कुंण भलै काम करे, तेऊ निं अफसरा का डरने ज़रुरत आथी, पर ज़ै कुंण कदुष्ट काम करे तेऊ लागा डरनअ। ज़ै तूह इहअ च़ाहा कि ताह निं अफसरे डअर लोल़ी रही, तै कर भलअ अर तिहअ करै करनअ तिन्नां बी तेरअ अदर।