1 ज़ुंण विश्वासा दी दुबल़अ आसा तेऊ निंयां आपणीं संगती दी, पर ज़ै तेऊ बैहम आसा, तेऊ संघै निं ऐहा गल्‍ला दी दोश लाई हठल़दै लागी कि तेऊओ विश्वास निं थारै विश्वासा ज़िहअ आथी। 2 एकी आसा विश्वास कि सोभ किछ़ खाणअ आसा ठीक, पर ज़ुंण विश्वासा दी दुबल़अ आसा, सह खाआ शाग-पाच ई।

3 ज़ुंण शिखा खाआ सह निं तेऊ मणछा बृथा समझ़ी ज़ुंण शिखा निं खांदअ, अर नां नमासी शिखा खाणैं आल़ै लै दोश लाई, किल्हैकि परमेशरै आसा तिंयां दुहै मनै दै। 4 तूह कुंण हआ ज़ुंण दुजै परमेशरे दासा लै दोश लाआ? तेऊओ विश्वासा दी बणी रहणअ अर नांईं रहणैंओ नातअ आसा तेऊए मालका संघै ता सह रहणअ विश्वासा दी पाक्‍कअ, किल्हैकि प्रभू सका तेऊ विश्वासा दी पाक्‍कै डाही।