12 तैही लागणअ हाम्हां सोभी बी परमेशरा सम्हनै आपणैं-आपणैं कामों साब-कताब दैणअ।
ताह करै निं तेरै भाईए बरैबादी लोल़ी हुई
13 ता, ऐबै निं हाम्हां आजू पोर्ही एकी-दुजै लै दोश लाणअ, पर तम्हैं करा इहअ बच़ार पाक्कअ कि आपणैं विश्वासी भाईए सम्हनै निं इहअ कोई काम करी ज़ेता करै तेरअ साथी-भाई परमेशरा दी विश्वास करनअ छ़ाडे।
झ़ूरीओ बधान
14 ऐबै लागअ मुखा थोघ अर प्रभू ईशू मसीहा दी खुल्ही मेरी आछी, किछ़ू खाणैं च़िज़ा खाई करै निं छ़ोत लागदी पर ज़ुंण इहअ समझ़ा कि किज़ू खाई करै लागणीं तेऊ छ़ोत, तेऊ लै आसा सह छ़ोतली।