रोमी 3

विश्वासा करै धर्मीं

21 पर ऐबै निं हाम्हां बधाना मनणे ज़रुरत आथी अर परमेशरै बणाऐं हाम्हैं आप्पू संघै धर्मीं। हाम्हैं परमेशरै धर्मीं किहअ करै बणाऐं; एते बारै आसा मोसा गूरे बधाना दी अर होरी गूरे कताबा दी खास्सी साला पैहलै परमेशरै करार किई दी। 22 हाम्हैं किअ ईशू मसीहा दी विश्वास अर एता करै बणाऐं हाम्हैं परमेशरै आप्पू संघै धर्मीं। अह गल्‍ल आसा विश्वास करनै आल़ै सोभी लै शुची किल्हैकि सोभै लोग आसा एक बराबर।

23 किल्हैकि सोभी आसा पाप किअ द अर परमेशरे प्रतप्पा का आसा सोभै दूर। 24 परमेशरै किई हाम्हां लै एही झींण कि म्हारै पाप करनैओ लिखअ-जोखअ पाअ मटाऊई बणाऐं हाम्हैं तेऊ धर्मीं। हाम्हैं निं एता लै किछ़ै किम्मत दैनी। मसीहा ईशू किअ अह काम हाम्हां लै छ़ुटकारै दैई पूरअ।