הַלְלוּ יָהּ ׀ אַשְׁרֵי ־ אִישׁ יָרֵא אֶת ־ יְהוָה בְּמִצְוֺתָיו חָפֵץ מְאֹֽד ׃

אַל ־ תְּהִי חָכָם בְּעֵינֶיךָ יְרָא אֶת ־ יְהוָה וְסוּר מֵרָֽע ׃

רִפְאוּת תְּהִי לְשָׁרֶּךָ וְשִׁקּוּי לְעַצְמוֹתֶֽיךָ ׃

הִנֵּה עֵין יְהוָה אֶל ־ יְרֵאָיו לַֽמְיַחֲלִים לְחַסְדּֽוֹ ׃

אֶרֶץ נָתְנָה יְבוּלָהּ יְבָרְכֵנוּ אֱלֹהִים אֱלֹהֵֽינוּ ׃ יְבָרְכֵנוּ אֱלֹהִים וְיִֽירְאוּ אֹתוֹ כָּל ־ אַפְסֵי ־ אָֽרֶץ ׃

רֵאשִׁית חָכְמָה ׀ יִרְאַת יְהוָה שֵׂכֶל טוֹב לְכָל ־ עֹשֵׂיהֶם תְּהִלָּתוֹ עֹמֶדֶת לָעַֽד ׃

לֹא תִשְׁמַע אֶל ־ דִּבְרֵי הַנָּבִיא הַהוּא אוֹ אֶל ־ חוֹלֵם הַחֲלוֹם הַהוּא כִּי מְנַסֶּה יְהוָה אֱלֹֽהֵיכֶם אֶתְכֶם לָדַעַת הֲיִשְׁכֶם אֹֽהֲבִים אֶת ־ יְהוָה אֱלֹהֵיכֶם בְּכָל ־ לְבַבְכֶם וּבְכָל ־ נַפְשְׁכֶֽם ׃

תְּחִלַּת חָכְמָה יִרְאַת יְהוָה וְדַעַת קְדֹשִׁים בִּינָֽה ׃

טוֹב ־ מְעַט בְּיִרְאַת יְהוָה מֵאוֹצָר רָב וּמְהוּמָה בֽוֹ ׃

שֶׁקֶר הַחֵן וְהֶבֶל הַיֹּפִי אִשָּׁה יִרְאַת ־ יְהוָה הִיא תִתְהַלָּֽל ׃

שִׁיר הַֽמַּעֲלוֹת אַשְׁרֵי כָּל ־ יְרֵא יְהוָה הַהֹלֵךְ בִּדְרָכָֽיו ׃

יִֽרְאַת יְהוָה שְֽׂנֹאת רָע גֵּאָה וְגָאוֹן ׀ וְדֶרֶךְ רָע וּפִי תַהְפֻּכוֹת שָׂנֵֽאתִי ׃

וַיְהִי כִּֽי ־ יָֽרְאוּ הַֽמְיַלְּדֹת אֶת ־ הָאֱלֹהִים וַיַּעַשׂ לָהֶם בָּתִּֽים ׃

עֵקֶב עֲנָוָה יִרְאַת יְהוָה עֹשֶׁר וְכָבוֹד וְחַיִּֽים ׃

סוֹף דָּבָר הַכֹּל נִשְׁמָע אֶת ־ הָאֱלֹהִים יְרָא וְאֶת ־ מִצְוֺתָיו שְׁמוֹר כִּי ־ זֶה כָּל ־ הָאָדָֽם ׃

יִרְאַת יְהוָה מוּסַר חָכְמָה וְלִפְנֵי כָבוֹד עֲנָוָֽה ׃

יִרְאַת יְהוָה רֵאשִׁית דָּעַת חָכְמָה וּמוּסָר אֱוִילִים בָּֽזוּ ׃ פ

לַמָּס מֵרֵעֵהוּ חָסֶד וְיִרְאַת שַׁדַּי יַעֲזֽוֹב ׃

וְעַתָּה יִשְׂרָאֵל מָה יְהוָה אֱלֹהֶיךָ שֹׁאֵל מֵעִמָּךְ כִּי אִם ־ לְיִרְאָה אֶת ־ יְהוָה אֱלֹהֶיךָ לָלֶכֶת בְּכָל ־ דְּרָכָיו וּלְאַהֲבָה אֹתוֹ וְלַֽעֲבֹד אֶת ־ יְהוָה אֱלֹהֶיךָ בְּכָל ־ לְבָבְךָ וּבְכָל ־ נַפְשֶֽׁךָ ׃

לִשְׁמֹר אֶת ־ מִצְוֺת יְהוָה וְאֶת ־ חֻקֹּתָיו אֲשֶׁר אָנֹכִי מְצַוְּךָ הַיּוֹם לְטוֹב לָֽךְ ׃