Agradecimento pela Vida

אֲפָפוּנִי מַיִם עַד ־ נֶפֶשׁ תְּהוֹם יְסֹבְבֵנִי סוּף חָבוּשׁ לְרֹאשִֽׁי ׃

לְקִצְבֵי הָרִים יָרַדְתִּי הָאָרֶץ בְּרִחֶיהָ בַעֲדִי לְעוֹלָם וַתַּעַל מִשַּׁחַת חַיַּי יְהוָה אֱלֹהָֽי ׃

Jonas 2:6,7

לַמְנַצֵּחַ עַלְמוּת לַבֵּן מִזְמוֹר לְדָוִֽד ׃

אוֹדֶה יְהוָה בְּכָל ־ לִבִּי אֲסַפְּרָה כָּל ־ נִפְלְאוֹתֶֽיךָ ׃

Salmos 9:1,2

הַֽלְלוּ ־ יָהּ הַלְלִי נַפְשִׁי אֶת ־ יְהוָֽה ׃

אֲהַלְלָה יְהוָה בְּחַיָּי אֲזַמְּרָה לֵֽאלֹהַי בְּעוֹדִֽי ׃

Salmos 146:1,2

7 צִדְקָֽתְךָ ׀ כְּֽהַרְרֵי ־ אֵל מִשְׁפָּטֶךָ תְּהוֹם רַבָּה אָדָֽם ־ וּבְהֵמָה תוֹשִׁיעַ יְהוָֽה ׃

8 מַה ־ יָּקָר חַסְדְּךָ אֱלֹהִים וּבְנֵי אָדָם בְּצֵל כְּנָפֶיךָ יֶחֱסָיֽוּן ׃

9 יִרְוְיֻן מִדֶּשֶׁן בֵּיתֶךָ וְנַחַל עֲדָנֶיךָ תַשְׁקֵֽם ׃

Salmos 36:7-9

וְאָכַלְתָּ וְשָׂבָעְתָּ וּבֵֽרַכְתָּ אֶת ־ יְהוָה אֱלֹהֶיךָ עַל ־ הָאָרֶץ הַטֹּבָה אֲשֶׁר נָֽתַן ־ לָֽךְ ׃

Deuteronômio 8:10

רַבְתָּ אֲדֹנָי רִיבֵי נַפְשִׁי גָּאַלְתָּ חַיָּֽי ׃

Lamentações 3:58

כֹּל הַנְּשָׁמָה תְּהַלֵּל יָהּ הַֽלְלוּ ־ יָֽהּ ׃

Salmos 150:6

אָשִׁירָה לַיהוָה בְּחַיָּי אֲזַמְּרָה לֵאלֹהַי בְּעוֹדִֽי ׃

יֶעֱרַב עָלָיו שִׂיחִי אָנֹכִי אֶשְׂמַח בַּיהוָֽה ׃

Salmos 104:33,34

דְּעוּ כִּֽי ־ יְהוָה הוּא אֱלֹהִים הֽוּא ־ עָשָׂנוּ ולא אֲנַחְנוּ עַמּוֹ וְצֹאן מַרְעִיתֽוֹ ׃

בֹּאוּ שְׁעָרָיו ׀ בְּתוֹדָה חֲצֵרֹתָיו בִּתְהִלָּה הֽוֹדוּ ־ לוֹ בָּרֲכוּ שְׁמֽוֹ ׃

Salmos 100:3,4

1 מִזְמוֹר שִׁיר ־ חֲנֻכַּת הַבַּיִת לְדָוִֽד ׃

2 אֲרוֹמִמְךָ יְהוָה כִּי דִלִּיתָנִי וְלֹא ־ שִׂמַּחְתָּ אֹיְבַי לִֽי ׃

3 יְהוָה אֱלֹהָי שִׁוַּעְתִּי אֵלֶיךָ וַתִּרְפָּאֵֽנִי ׃

Salmos 30:1-3

13 כִּֽי ־ אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽי ׃

14 אֽוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹֽד ׃

15 לֹא ־ נִכְחַד עָצְמִי מִמֶּךָּ אֲשֶׁר ־ עֻשֵּׂיתִי בַסֵּתֶר רֻקַּמְתִּי בְּֽתַחְתִּיּוֹת אָֽרֶץ ׃

16 גָּלְמִי ׀ רָאוּ עֵינֶיךָ וְעַֽל ־ סִפְרְךָ כֻּלָּם יִכָּתֵבוּ יָמִים יֻצָּרוּ ולא אֶחָד בָּהֶֽם ׃

Salmos 139:13-16