Aliança

31 הִנֵּה יָמִים בָּאִים נְאֻם ־ יְהוָה וְכָרַתִּי אֶת ־ בֵּית יִשְׂרָאֵל וְאֶת ־ בֵּית יְהוּדָה בְּרִית חֲדָשָֽׁה ׃

32 לֹא כַבְּרִית אֲשֶׁר כָּרַתִּי אֶת ־ אֲבוֹתָם בְּיוֹם הֶחֱזִיקִי בְיָדָם לְהוֹצִיאָם מֵאֶרֶץ מִצְרָיִם אֲשֶׁר ־ הֵמָּה הֵפֵרוּ אֶת ־ בְּרִיתִי וְאָנֹכִי בָּעַלְתִּי בָם נְאֻם ־ יְהוָֽה ׃

33 כִּי זֹאת הַבְּרִית אֲשֶׁר אֶכְרֹת אֶת ־ בֵּית יִשְׂרָאֵל אַחֲרֵי הַיָּמִים הָהֵם נְאֻם ־ יְהוָה נָתַתִּי אֶת ־ תּֽוֹרָתִי בְּקִרְבָּם וְעַל ־ לִבָּם אֶכְתֲּבֶנָּה וְהָיִיתִי לָהֶם לֵֽאלֹהִים וְהֵמָּה יִֽהְיוּ ־ לִי לְעָֽם ׃

34 וְלֹא יְלַמְּדוּ עוֹד אִישׁ אֶת ־ רֵעֵהוּ וְאִישׁ אֶת ־ אָחִיו לֵאמֹר דְּעוּ אֶת ־ יְהוָה כִּֽי ־ כוּלָּם יֵדְעוּ אוֹתִי לְמִקְטַנָּם וְעַד ־ גְּדוֹלָם נְאֻם ־ יְהוָה כִּי אֶסְלַח לַֽעֲוֺנָם וּלְחַטָּאתָם לֹא אֶזְכָּר ־ עֽוֹד ׃ ס

Jeremias 31:31-34

וַֽיהוָה הוּא ׀ הַהֹלֵךְ לְפָנֶיךָ הוּא יִהְיֶה עִמָּךְ לֹא יַרְפְּךָ וְלֹא יַֽעַזְבֶךָּ לֹא תִירָא וְלֹא תֵחָֽת ׃

Deuteronômio 31:8

וְיֶחֱזַק מֶֽלֶךְ ־ הַנֶּגֶב וּמִן ־ שָׂרָיו וְיֶחֱזַק עָלָיו וּמָשָׁל מִמְשָׁל רַב מֶמְשַׁלְתּֽוֹ ׃

וּלְקֵץ שָׁנִים יִתְחַבָּרוּ וּבַת מֶֽלֶךְ ־ הַנֶּגֶב תָּבוֹא אֶל ־ מֶלֶךְ הַצָּפוֹן לַעֲשׂוֹת מֵישָׁרִים וְלֹֽא ־ תַעְצֹר כּוֹחַ הַזְּרוֹעַ וְלֹא יַעֲמֹד וּזְרֹעוֹ וְתִנָּתֵן הִיא וּמְבִיאֶיהָ וְהַיֹּלְדָהּ וּמַחֲזִקָהּ בָּעִתִּֽים ׃

Daniel 11:5,6

וַֽיְהִי ־ שָׁם עִם ־ יְהוָה אַרְבָּעִים יוֹם וְאַרְבָּעִים לַיְלָה לֶחֶם לֹא אָכַל וּמַיִם לֹא שָׁתָה וַיִּכְתֹּב עַל ־ הַלֻּחֹת אֵת דִּבְרֵי הַבְּרִית עֲשֶׂרֶת הַדְּבָרִֽים ׃

Êxodo 34:28

וְהִגְבִּיר בְּרִית לָרַבִּים שָׁבוּעַ אֶחָד וַחֲצִי הַשָּׁבוּעַ יַשְׁבִּית ׀ זֶבַח וּמִנְחָה וְעַל כְּנַף שִׁקּוּצִים מְשֹׁמֵם וְעַד ־ כָּלָה וְנֶחֱרָצָה תִּתַּךְ עַל ־ שֹׁמֵֽם ׃ פ

Daniel 9:27

וּבְאַרְבַּע עֶשְׂרֵה שָׁנָה בָּא כְדָרְלָעֹמֶר וְהַמְּלָכִים אֲשֶׁר אִתּוֹ וַיַּכּוּ אֶת ־ רְפָאִים בְּעַשְׁתְּרֹת קַרְנַיִם וְאֶת ־ הַזּוּזִים בְּהָם וְאֵת הָֽאֵימִים בְּשָׁוֵה קִרְיָתָֽיִם ׃

Gênesis 14:5

וַיֹּאמֶר הִנֵּה אָנֹכִי כֹּרֵת בְּרִית נֶגֶד כָּֽל ־ עַמְּךָ אֶעֱשֶׂה נִפְלָאֹת אֲשֶׁר לֹֽא ־ נִבְרְאוּ בְכָל ־ הָאָרֶץ וּבְכָל ־ הַגּוֹיִם וְרָאָה כָל ־ הָעָם אֲשֶׁר ־ אַתָּה בְקִרְבּוֹ אֶת ־ מַעֲשֵׂה יְהוָה כִּֽי ־ נוֹרָא הוּא אֲשֶׁר אֲנִי עֹשֶׂה עִמָּֽךְ ׃

Êxodo 34:10

וַיִּכְרֹת יְהוֹיָדָע אֶֽת ־ הַבְּרִית בֵּין יְהוָה וּבֵין הַמֶּלֶךְ וּבֵין הָעָם לִהְיוֹת לְעָם לַֽיהוָה וּבֵין הַמֶּלֶךְ וּבֵין הָעָֽם ׃

2 Reis 11:17

10 וַיְדַבֵּר יְהוָה אֶל ־ מֹשֶׁה לֵּאמֹֽר ׃

11 פִּֽינְחָס בֶּן ־ אֶלְעָזָר בֶּן ־ אַהֲרֹן הַכֹּהֵן הֵשִׁיב אֶת ־ חֲמָתִי מֵעַל בְּנֵֽי ־ יִשְׂרָאֵל בְּקַנְאוֹ אֶת ־ קִנְאָתִי בְּתוֹכָם וְלֹא ־ כִלִּיתִי אֶת ־ בְּנֵֽי ־ יִשְׂרָאֵל בְּקִנְאָתִֽי ׃

12 לָכֵן אֱמֹר הִנְנִי נֹתֵן לוֹ אֶת ־ בְּרִיתִי שָׁלֽוֹם ׃

13 וְהָיְתָה לּוֹ וּלְזַרְעוֹ אַחֲרָיו בְּרִית כְּהֻנַּת עוֹלָם תַּחַת אֲשֶׁר קִנֵּא לֵֽאלֹהָיו וַיְכַפֵּר עַל ־ בְּנֵי יִשְׂרָאֵֽל ׃

Números 25:10-13

3 וַיִּפֹּל אַבְרָם עַל ־ פָּנָיו וַיְדַבֵּר אִתּוֹ אֱלֹהִים לֵאמֹֽר ׃

4 אֲנִי הִנֵּה בְרִיתִי אִתָּךְ וְהָיִיתָ לְאַב הֲמוֹן גּוֹיִֽם ׃

5 וְלֹא ־ יִקָּרֵא עוֹד אֶת ־ שִׁמְךָ אַבְרָם וְהָיָה שִׁמְךָ אַבְרָהָם כִּי אַב ־ הֲמוֹן גּוֹיִם נְתַתִּֽיךָ ׃

6 וְהִפְרֵתִי אֹֽתְךָ בִּמְאֹד מְאֹד וּנְתַתִּיךָ לְגוֹיִם וּמְלָכִים מִמְּךָ יֵצֵֽאוּ ׃

7 וַהֲקִמֹתִי אֶת ־ בְּרִיתִי בֵּינִי וּבֵינֶךָ וּבֵין זַרְעֲךָ אַחֲרֶיךָ לְדֹרֹתָם לִבְרִית עוֹלָם לִהְיוֹת לְךָ לֵֽאלֹהִים וּֽלְזַרְעֲךָ אַחֲרֶֽיךָ ׃

8 וְנָתַתִּי לְךָ וּלְזַרְעֲךָ אַחֲרֶיךָ אֵת ׀ אֶרֶץ מְגֻרֶיךָ אֵת כָּל ־ אֶרֶץ כְּנַעַן לַאֲחֻזַּת עוֹלָם וְהָיִיתִי לָהֶם לֵאלֹהִֽים ׃

9 וַיֹּאמֶר אֱלֹהִים אֶל ־ אַבְרָהָם וְאַתָּה אֶת ־ בְּרִיתִי תִשְׁמֹר אַתָּה וְזַרְעֲךָ אַֽחֲרֶיךָ לְדֹרֹתָֽם ׃

10 זֹאת בְּרִיתִי אֲשֶׁר תִּשְׁמְרוּ בֵּינִי וּבֵינֵיכֶם וּבֵין זַרְעֲךָ אַחֲרֶיךָ הִמּוֹל לָכֶם כָּל ־ זָכָֽר ׃

11 וּנְמַלְתֶּם אֵת בְּשַׂר עָרְלַתְכֶם וְהָיָה לְאוֹת בְּרִית בֵּינִי וּבֵינֵיכֶֽם ׃

Gênesis 17:3-11

וַיִּכְרֹת יְהוֹנָתָן עִם ־ בֵּית דָּוִד וּבִקֵּשׁ יְהוָה מִיַּד אֹיְבֵי דָוִֽד ׃

וַיּוֹסֶף יְהֽוֹנָתָן לְהַשְׁבִּיעַ אֶת ־ דָּוִד בְּאַהֲבָתוֹ אֹתוֹ כִּֽי ־ אַהֲבַת נַפְשׁוֹ אֲהֵבֽוֹ ׃ ס

1 Samuel 20:16,17

אֶת ־ קַשְׁתִּי נָתַתִּי בֶּֽעָנָן וְהָֽיְתָה לְאוֹת בְּרִית בֵּינִי וּבֵין הָאָֽרֶץ ׃

Gênesis 9:13

18 בַּיּוֹם הַהוּא כָּרַת יְהוָה אֶת ־ אַבְרָם בְּרִית לֵאמֹר לְזַרְעֲךָ נָתַתִּי אֶת ־ הָאָרֶץ הַזֹּאת מִנְּהַר מִצְרַיִם עַד ־ הַנָּהָר הַגָּדֹל נְהַר ־ פְּרָֽת ׃

19 אֶת ־ הַקֵּינִי וְאֶת ־ הַקְּנִזִּי וְאֵת הַקַּדְמֹנִֽי ׃

20 וְאֶת ־ הַחִתִּי וְאֶת ־ הַפְּרִזִּי וְאֶת ־ הָרְפָאִֽים ׃

21 וְאֶת ־ הָֽאֱמֹרִי וְאֶת ־ הַֽכְּנַעֲנִי וְאֶת ־ הַגִּרְגָּשִׁי וְאֶת ־ הַיְבוּסִֽי ׃ ס

Gênesis 15:18-21

וְיַעַשׂ הַבָּא אֵלָיו כִּרְצוֹנוֹ וְאֵין עוֹמֵד לְפָנָיו וְיַעֲמֹד בְּאֶֽרֶץ ־ הַצְּבִי וְכָלָה בְיָדֽוֹ ׃

וְיָשֵׂם ׀ פָּנָיו לָבוֹא בְּתֹקֶף כָּל ־ מַלְכוּתוֹ וִישָׁרִים עִמּוֹ וְעָשָׂה וּבַת הַנָּשִׁים יִתֶּן ־ לוֹ לְהַשְׁחִיתָהּ וְלֹא תַעֲמֹד וְלֹא ־ לוֹ תִהְיֶֽה ׃

Daniel 11:16,17

וַיַּגֵּד לָכֶם אֶת ־ בְּרִיתוֹ אֲשֶׁר צִוָּה אֶתְכֶם לַעֲשׂוֹת עֲשֶׂרֶת הַדְּבָרִים וַֽיִּכְתְּבֵם עַל ־ שְׁנֵי לֻחוֹת אֲבָנִֽים ׃

Deuteronômio 4:13

וְשַׁתִּי אֶת ־ גְּבֻלְךָ מִיַּם ־ סוּף וְעַד ־ יָם פְּלִשְׁתִּים וּמִמִּדְבָּר עַד ־ הַנָּהָר כִּי ׀ אֶתֵּן בְּיֶדְכֶם אֵת יֹשְׁבֵי הָאָרֶץ וְגֵרַשְׁתָּמוֹ מִפָּנֶֽיךָ ׃

לֹא ־ תִכְרֹת לָהֶם וְלֵאלֹֽהֵיהֶם בְּרִֽית ׃

Êxodo 23:31,32

וַיֹּסִפוּ בְּנֵי יִשְׂרָאֵל לַעֲשׂוֹת הָרַע בְּעֵינֵי יְהוָה וַיְחַזֵּק יְהוָה אֶת ־ עֶגְלוֹן מֶֽלֶךְ ־ מוֹאָב עַל ־ יִשְׂרָאֵל עַל כִּֽי ־ עָשׂוּ אֶת ־ הָרַע בְּעֵינֵי יְהוָֽה ׃

וַיֶּאֱסֹף אֵלָיו אֶת ־ בְּנֵי עַמּוֹן וַעֲמָלֵק וַיֵּלֶךְ וַיַּךְ אֶת ־ יִשְׂרָאֵל וַיִּֽירְשׁוּ אֶת ־ עִיר הַתְּמָרִֽים ׃

Juízes 3:12,13

בְּרִית כָּרַתִּי לְעֵינָי וּמָה אֶתְבּוֹנֵן עַל ־ בְּתוּלָֽה ׃

Jó 31:1

וַיַּעֲמֹד הַמֶּלֶךְ עַֽל ־ הָעַמּוּד וַיִּכְרֹת אֶֽת ־ הַבְּרִית ׀ לִפְנֵי יְהוָה לָלֶכֶת אַחַר יְהוָה וְלִשְׁמֹר מִצְוֺתָיו וְאֶת ־ עֵדְוֺתָיו וְאֶת ־ חֻקֹּתָיו בְּכָל ־ לֵב וּבְכָל ־ נֶפֶשׁ לְהָקִים אֶת ־ דִּבְרֵי הַבְּרִית הַזֹּאת הַכְּתֻבִים עַל ־ הַסֵּפֶר הַזֶּה וַיַּעֲמֹד כָּל ־ הָעָם בַּבְּרִֽית ׃

2 Reis 23:3

וַהֲקִמֹתִי אֶת ־ בְּרִיתִי אִתְּכֶם וְלֹֽא ־ יִכָּרֵת כָּל ־ בָּשָׂר עוֹד מִמֵּי הַמַּבּוּל וְלֹֽא ־ יִהְיֶה עוֹד מַבּוּל לְשַׁחֵת הָאָֽרֶץ ׃

Gênesis 9:11

וְעַתָּה אִם ־ שָׁמוֹעַ תִּשְׁמְעוּ בְּקֹלִי וּשְׁמַרְתֶּם אֶת ־ בְּרִיתִי וִהְיִיתֶם לִי סְגֻלָּה מִכָּל ־ הָעַמִּים כִּי ־ לִי כָּל ־ הָאָֽרֶץ ׃

Êxodo 19:5

כֹּה אָמַר יְהוָה אִם ־ תָּפֵרוּ אֶת ־ בְּרִיתִי הַיּוֹם וְאֶת ־ בְּרִיתִי הַלָּיְלָה וּלְבִלְתִּי הֱיוֹת יֽוֹמָם ־ וָלַיְלָה בְּעִתָּֽם ׃

גַּם ־ בְּרִיתִי תֻפַר אֶת ־ דָּוִד עַבְדִּי מִהְיֽוֹת ־ לוֹ בֵן מֹלֵךְ עַל ־ כִּסְאוֹ וְאֶת ־ הַלְוִיִּם הַכֹּהֲנִים מְשָׁרְתָֽי ׃

Jeremias 33:20,21

וְחֶסֶד יְהוָה ׀ מֵעוֹלָם וְעַד ־ עוֹלָם עַל ־ יְרֵאָיו וְצִדְקָתוֹ לִבְנֵי בָנִֽים ׃

לְשֹׁמְרֵי בְרִיתוֹ וּלְזֹכְרֵי פִקֻּדָיו לַעֲשׂוֹתָֽם ׃

Salmos 103:17,18

וְיָדַעְתָּ כִּֽי ־ יְהוָה אֱלֹהֶיךָ הוּא הָֽאֱלֹהִים הָאֵל הַֽנֶּאֱמָן שֹׁמֵר הַבְּרִית וְהַחֶסֶד לְאֹהֲבָיו וּלְשֹׁמְרֵי מצותו לְאֶלֶף דּֽוֹר ׃

Deuteronômio 7:9

וְכָרַתִּי לָהֶם בְּרִית שָׁלוֹם וְהִשְׁבַּתִּי חַיָּֽה ־ רָעָה מִן ־ הָאָרֶץ וְיָשְׁבוּ בַמִּדְבָּר לָבֶטַח וְיָשְׁנוּ בַּיְּעָרִֽים ׃

Ezequiel 34:25

לְהַצִּילְךָ מֵאִשָּׁה זָרָה מִנָּכְרִיָּה אֲמָרֶיהָ הֶחֱלִֽיקָה ׃

הַעֹזֶבֶת אַלּוּף נְעוּרֶיהָ וְאֶת ־ בְּרִית אֱלֹהֶיהָ שָׁכֵֽחָה ׃

Provérbios 2:16,17

וַיֵּצֵא הַמֶּלֶךְ יְהוֹרָם בַּיּוֹם הַהוּא מִשֹּׁמְרוֹן וַיִּפְקֹד אֶת ־ כָּל ־ יִשְׂרָאֵֽל ׃

וַיֵּלֶךְ וַיִּשְׁלַח אֶל ־ יְהוֹשָׁפָט מֶֽלֶךְ ־ יְהוּדָה לֵאמֹר מֶלֶךְ מוֹאָב פָּשַׁע בִּי הֲתֵלֵךְ אִתִּי אֶל ־ מוֹאָב לַמִּלְחָמָה וַיֹּאמֶר אֶעֱלֶה כָּמוֹנִי כָמוֹךָ כְּעַמִּי כְעַמֶּךָ כְּסוּסַי כְּסוּסֶֽיךָ ׃

2 Reis 3:6,7

8 וַיֹּאמֶר אֱלֹהִים אֶל ־ נֹחַ וְאֶל ־ בָּנָיו אִתּוֹ לֵאמֹֽר ׃

9 וַאֲנִי הִנְנִי מֵקִים אֶת ־ בְּרִיתִי אִתְּכֶם וְאֶֽת ־ זַרְעֲכֶם אַֽחֲרֵיכֶֽם ׃

10 וְאֵת כָּל ־ נֶפֶשׁ הַֽחַיָּה אֲשֶׁר אִתְּכֶם בָּעוֹף בַּבְּהֵמָה וּֽבְכָל ־ חַיַּת הָאָרֶץ אִתְּכֶם מִכֹּל יֹצְאֵי הַתֵּבָה לְכֹל חַיַּת הָאָֽרֶץ ׃

11 וַהֲקִמֹתִי אֶת ־ בְּרִיתִי אִתְּכֶם וְלֹֽא ־ יִכָּרֵת כָּל ־ בָּשָׂר עוֹד מִמֵּי הַמַּבּוּל וְלֹֽא ־ יִהְיֶה עוֹד מַבּוּל לְשַׁחֵת הָאָֽרֶץ ׃

12 וַיֹּאמֶר אֱלֹהִים זֹאת אֽוֹת ־ הַבְּרִית אֲשֶׁר ־ אֲנִי נֹתֵן בֵּינִי וּבֵינֵיכֶם וּבֵין כָּל ־ נֶפֶשׁ חַיָּה אֲשֶׁר אִתְּכֶם לְדֹרֹת עוֹלָֽם ׃

13 אֶת ־ קַשְׁתִּי נָתַתִּי בֶּֽעָנָן וְהָֽיְתָה לְאוֹת בְּרִית בֵּינִי וּבֵין הָאָֽרֶץ ׃

Gênesis 9:8-13

וַאֲנִי זֹאת בְּרִיתִי אוֹתָם אָמַר יְהוָה רוּחִי אֲשֶׁר עָלֶיךָ וּדְבָרַי אֲשֶׁר ־ שַׂמְתִּי בְּפִיךָ לֹֽא ־ יָמוּשׁוּ מִפִּיךָ וּמִפִּי זַרְעֲךָ וּמִפִּי זֶרַע זַרְעֲךָ אָמַר יְהוָה מֵעַתָּה וְעַד ־ עוֹלָֽם ׃ ס

Isaías 59:21