Amor

הֲתִשְׁכַּח אִשָּׁה עוּלָהּ מֵרַחֵם בֶּן ־ בִּטְנָהּ גַּם ־ אֵלֶּה תִשְׁכַּחְנָה וְאָנֹכִי לֹא אֶשְׁכָּחֵֽךְ ׃

הֵן עַל ־ כַּפַּיִם חַקֹּתִיךְ חוֹמֹתַיִךְ נֶגְדִּי תָּמִֽיד ׃

Isaías 49:15,16

הוֹדוּ לַיהוָה כִּי ־ טוֹב כִּי לְעוֹלָם חַסְדּֽוֹ ׃

Salmos 136:1

וַאֲנִי ׀ אָמַרְתִּי בְחָפְזִי נִגְרַזְתִּי מִנֶּגֶד עֵינֶיךָ אָכֵן שָׁמַעְתָּ קוֹל תַּחֲנוּנַי בְּשַׁוְּעִי אֵלֶֽיךָ ׃

Salmos 31:23

שִׂנְאָה תְּעוֹרֵר מְדָנִים וְעַל כָּל ־ פְּשָׁעִים תְּכַסֶּה אַהֲבָֽה ׃

Provérbios 10:12

מַיִם רַבִּים לֹא יֽוּכְלוּ לְכַבּוֹת אֶת ־ הָֽאַהֲבָה וּנְהָרוֹת לֹא יִשְׁטְפוּהָ אִם ־ יִתֵּן אִישׁ אֶת ־ כָּל ־ הוֹן בֵּיתוֹ בָּאַהֲבָה בּוֹז יָבוּזוּ לֽוֹ ׃ ס

Cânticos 8:7

הַשְׁמִיעֵנִי בַבֹּקֶר ׀ חַסְדֶּךָ כִּֽי ־ בְךָ בָטָחְתִּי הוֹדִיעֵנִי דֶּֽרֶךְ ־ זוּ אֵלֵךְ כִּֽי ־ אֵלֶיךָ נָשָׂאתִי נַפְשִֽׁי ׃

Salmos 143:8

חֶסֶד וֶאֱמֶת אַֽל ־ יַעַזְבֻךָ קָשְׁרֵם עַל ־ גַּרְגְּרוֹתֶיךָ כָּתְבֵם עַל ־ לוּחַ לִבֶּֽךָ ׃

וּמְצָא ־ חֵן וְשֵֽׂכֶל ־ טוֹב בְּעֵינֵי אֱלֹהִים וְאָדָֽם ׃ פ

Provérbios 3:3,4

מֵאֲשֶׁר יָקַרְתָּ בְעֵינַי נִכְבַּדְתָּ וַאֲנִי אֲהַבְתִּיךָ וְאֶתֵּן אָדָם תַּחְתֶּיךָ וּלְאֻמִּים תַּחַת נַפְשֶֽׁךָ ׃

Isaías 43:4