Amor de Casal
9 טוֹבִים הַשְּׁנַיִם מִן ־ הָאֶחָד אֲשֶׁר יֵשׁ ־ לָהֶם שָׂכָר טוֹב בַּעֲמָלָֽם ׃
10 כִּי אִם ־ יִפֹּלוּ הָאֶחָד יָקִים אֶת ־ חֲבֵרוֹ וְאִילוֹ הָֽאֶחָד שֶׁיִּפּוֹל וְאֵין שֵׁנִי לַהֲקִימֽוֹ ׃
11 גַּם אִם ־ יִשְׁכְּבוּ שְׁנַיִם וְחַם לָהֶם וּלְאֶחָד אֵיךְ יֵחָֽם ׃
12 וְאִֽם ־ יִתְקְפוֹ הָאֶחָד הַשְּׁנַיִם יַעַמְדוּ נֶגְדּוֹ וְהַחוּט הַֽמְשֻׁלָּשׁ לֹא בִמְהֵרָה יִנָּתֵֽק ׃
וַיֹּאמֶר יְהוָה אֱלֹהִים לֹא ־ טוֹב הֱיוֹת הָֽאָדָם לְבַדּוֹ אֶֽעֱשֶׂהּ ־ לּוֹ עֵזֶר כְּנֶגְדּֽוֹ ׃
לִבַּבְתִּנִי אֲחֹתִי כַלָּה לִבַּבְתִּינִי באחד מֵעֵינַיִךְ בְּאַחַד עֲנָק מִצַּוְּרֹנָֽיִךְ ׃
יִשָּׁקֵנִי מִנְּשִׁיקוֹת פִּיהוּ כִּֽי ־ טוֹבִים דֹּדֶיךָ מִיָּֽיִן ׃
לְרֵיחַ שְׁמָנֶיךָ טוֹבִים שֶׁמֶן תּוּרַק שְׁמֶךָ עַל ־ כֵּן עֲלָמוֹת אֲהֵבֽוּךָ ׃
שִׂימֵנִי כַֽחוֹתָם עַל ־ לִבֶּךָ כַּֽחוֹתָם עַל ־ זְרוֹעֶךָ כִּֽי ־ עַזָּה כַמָּוֶת אַהֲבָה קָשָׁה כִשְׁאוֹל קִנְאָה רְשָׁפֶיהָ רִשְׁפֵּי אֵשׁ שַׁלְהֶבֶתְיָֽה ׃
מַיִם רַבִּים לֹא יֽוּכְלוּ לְכַבּוֹת אֶת ־ הָֽאַהֲבָה וּנְהָרוֹת לֹא יִשְׁטְפוּהָ אִם ־ יִתֵּן אִישׁ אֶת ־ כָּל ־ הוֹן בֵּיתוֹ בָּאַהֲבָה בּוֹז יָבוּזוּ לֽוֹ ׃ ס
כִּֽי ־ יִקַּח אִישׁ אִשָּׁה חֲדָשָׁה לֹא יֵצֵא בַּצָּבָא וְלֹא ־ יַעֲבֹר עָלָיו לְכָל ־ דָּבָר נָקִי יִהְיֶה לְבֵיתוֹ שָׁנָה אֶחָת וְשִׂמַּח אֶת ־ אִשְׁתּוֹ אֲשֶׁר ־ לָקָֽח ׃ ס
הִנָּךְ יָפָה רַעְיָתִי הִנָּךְ יָפָה עֵינַיִךְ יוֹנִֽים ׃
הִנְּךָ יָפֶה דוֹדִי אַף נָעִים אַף ־ עַרְשֵׂנוּ רַעֲנָנָֽה ׃
מָצָא אִשָּׁה מָצָא טוֹב וַיָּפֶק רָצוֹן מֵיְהוָֽה ׃
18 יְהִֽי ־ מְקוֹרְךָ בָרוּךְ וּשְׂמַח מֵאֵשֶׁת נְעוּרֶֽךָ ׃
19 אַיֶּלֶת אֲהָבִים וְֽיַעֲלַת ־ חֵן דַּדֶּיהָ יְרַוֻּךָ בְכָל ־ עֵת בְּאַהֲבָתָהּ תִּשְׁגֶּה תָמִֽיד ׃
20 וְלָמָּה תִשְׁגֶּה בְנִי בְזָרָה וּתְחַבֵּק חֵק נָכְרִיָּֽה ׃
22 וַיִּבֶן יְהוָה אֱלֹהִים ׀ אֶֽת ־ הַצֵּלָע אֲשֶׁר ־ לָקַח מִן ־ הָֽאָדָם לְאִשָּׁה וַיְבִאֶהָ אֶל ־ הָֽאָדָֽם ׃
23 וַיֹּאמֶר הָֽאָדָם זֹאת הַפַּעַם עֶצֶם מֵֽעֲצָמַי וּבָשָׂר מִבְּשָׂרִי לְזֹאת יִקָּרֵא אִשָּׁה כִּי מֵאִישׁ לֻֽקֳחָה ־ זֹּֽאת ׃
24 עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃
וְלֹא ־ אֶחָד עָשָׂה וּשְׁאָר רוּחַ לוֹ וּמָה הָֽאֶחָד מְבַקֵּשׁ זֶרַע אֱלֹהִים וְנִשְׁמַרְתֶּם בְּרוּחֲכֶם וּבְאֵשֶׁת נְעוּרֶיךָ אַל ־ יִבְגֹּֽד ׃