הוֹדוּ לַיהוָה כִּי ־ טוֹב כִּי לְעוֹלָם חַסְדּֽוֹ ׃

וְאַתָּה אֲדֹנָי אֵל ־ רַחוּם וְחַנּוּן אֶרֶךְ אַפַּיִם וְרַב ־ חֶסֶד וֶאֱמֶֽת ׃

כַּאֲשֶׁר שָׁמַעְנוּ ׀ כֵּן רָאִינוּ בְּעִיר ־ יְהוָה צְבָאוֹת בְּעִיר אֱלֹהֵינוּ אֱלֹהִים יְכוֹנְנֶהָ עַד ־ עוֹלָם סֶֽלָה ׃

מֵאֲשֶׁר יָקַרְתָּ בְעֵינַי נִכְבַּדְתָּ וַאֲנִי אֲהַבְתִּיךָ וְאֶתֵּן אָדָם תַּחְתֶּיךָ וּלְאֻמִּים תַּחַת נַפְשֶֽׁךָ ׃

מֵרָחוֹק יְהוָה נִרְאָה לִי וְאַהֲבַת עוֹלָם אֲהַבְתִּיךְ עַל ־ כֵּן מְשַׁכְתִּיךְ חָֽסֶד ׃

אֲנִי אהביה אֵהָב וּמְשַׁחֲרַי יִמְצָאֻֽנְנִי ׃

כִּֽי ־ עִמְּךָ מְקוֹר חַיִּים בְּאוֹרְךָ נִרְאֶה ־ אֽוֹר ׃

יְהוָה אֱלֹהַיִךְ בְּקִרְבֵּך גִּבּוֹר יוֹשִׁיעַ יָשִׂישׂ עָלַיִךְ בְּשִׂמְחָה יַחֲרִישׁ בְּאַהֲבָתוֹ יָגִיל עָלַיִךְ בְּרִנָּֽה ׃

כֵּן בַּקֹּדֶשׁ חֲזִיתִיךָ לִרְאוֹת עֻזְּךָ וּכְבוֹדֶֽךָ ׃

רַחוּם וְחַנּוּן יְהוָה אֶרֶךְ אַפַּיִם וְרַב ־ חָֽסֶד ׃