נַפְשִׁי אִוִּיתִיךָ בַּלַּיְלָה אַף ־ רוּחִי בְקִרְבִּי אֲשַֽׁחֲרֶךָּ כִּי כַּאֲשֶׁר מִשְׁפָּטֶיךָ לָאָרֶץ צֶדֶק לָמְדוּ יֹשְׁבֵי תֵבֵֽל ׃

הַדְרִיכֵנִי בַאֲמִתֶּךָ ׀ וְֽלַמְּדֵנִי כִּֽי ־ אַתָּה אֱלֹהֵי יִשְׁעִי אוֹתְךָ קִוִּיתִי כָּל ־ הַיּֽוֹם ׃

טוֹב ־ וְיָשָׁר יְהוָה עַל ־ כֵּן יוֹרֶה חַטָּאִים בַּדָּֽרֶךְ ׃

יַדְרֵךְ עֲנָוִים בַּמִּשְׁפָּט וִֽילַמֵּד עֲנָוִים דַּרְכּֽוֹ ׃

אֹהֵב מוּסָר אֹהֵֽב דָּעַת וְשֹׂנֵא תוֹכַחַת בָּֽעַר ׃

דְּרָכֶיךָ יְהוָה הוֹדִיעֵנִי אֹרְחוֹתֶיךָ לַמְּדֵֽנִי ׃

אַשְׂכִּֽילְךָ ׀ וְֽאוֹרְךָ בְּדֶֽרֶךְ ־ זוּ תֵלֵךְ אִֽיעֲצָה עָלֶיךָ עֵינִֽי ׃

וְיָדַעְתָּ עִם ־ לְבָבֶךָ כִּי כַּאֲשֶׁר יְיַסֵּר אִישׁ אֶת ־ בְּנוֹ יְהוָה אֱלֹהֶיךָ מְיַסְּרֶֽךָּ ׃

מוּסַר יְהוָה בְּנִי אַל ־ תִּמְאָס וְאַל ־ תָּקֹץ בְּתוֹכַחְתּֽוֹ ׃

כִּי אֶת אֲשֶׁר יֶאֱהַב יְהוָה יוֹכִיחַ וּכְאָב אֶת ־ בֵּן יִרְצֶֽה ׃

יִרְאַת יְהוָה רֵאשִׁית דָּעַת חָכְמָה וּמוּסָר אֱוִילִים בָּֽזוּ ׃ פ

לַמְּדֵנִי ׀ לַֽעֲשׂוֹת רְצוֹנֶךָ כִּֽי ־ אַתָּה אֱלוֹהָי רוּחֲךָ טוֹבָה תַּנְחֵנִי בְּאֶרֶץ מִישֽׁוֹר ׃

בְּדֶרֶךְ חָכְמָה הֹרֵתִיךָ הִדְרַכְתִּיךָ בְּמַעְגְּלֵי ־ יֹֽשֶׁר ׃