Casamento

וַיֵּדַע אוֹנָן כִּי לֹּא לוֹ יִהְיֶה הַזָּרַע וְהָיָה אִם ־ בָּא אֶל ־ אֵשֶׁת אָחִיו וְשִׁחֵת אַרְצָה לְבִלְתִּי נְתָן ־ זֶרַע לְאָחִֽיו ׃

וַיֵּרַע בְּעֵינֵי יְהוָה אֲשֶׁר עָשָׂה וַיָּמֶת גַּם ־ אֹתֽוֹ ׃

Gênesis 38:9,10

26 וַיֹּאמֶר אֱלֹהִים נַֽעֲשֶׂה אָדָם בְּצַלְמֵנוּ כִּדְמוּתֵנוּ וְיִרְדּוּ בִדְגַת הַיָּם וּבְעוֹף הַשָּׁמַיִם וּבַבְּהֵמָה וּבְכָל ־ הָאָרֶץ וּבְכָל ־ הָרֶמֶשׂ הָֽרֹמֵשׂ עַל ־ הָאָֽרֶץ ׃

27 וַיִּבְרָא אֱלֹהִים ׀ אֶת ־ הָֽאָדָם בְּצַלְמוֹ בְּצֶלֶם אֱלֹהִים בָּרָא אֹתוֹ זָכָר וּנְקֵבָה בָּרָא אֹתָֽם ׃

28 וַיְבָרֶךְ אֹתָם אֱלֹהִים וַיֹּאמֶר לָהֶם אֱלֹהִים פְּרוּ וּרְבוּ וּמִלְאוּ אֶת ־ הָאָרֶץ וְכִבְשֻׁהָ וּרְדוּ בִּדְגַת הַיָּם וּבְעוֹף הַשָּׁמַיִם וּבְכָל ־ חַיָּה הָֽרֹמֶשֶׂת עַל ־ הָאָֽרֶץ ׃

Gênesis 1:26-28

וַיְנַחֵם דָּוִד אֵת בַּת ־ שֶׁבַע אִשְׁתּוֹ וַיָּבֹא אֵלֶיהָ וַיִּשְׁכַּב עִמָּהּ וַתֵּלֶד בֵּן ויקרא אֶת ־ שְׁמוֹ שְׁלֹמֹה וַיהוָה אֲהֵבֽוֹ ׃

2 Samuel 12:24

אִשָּׁה זֹנָה וַחֲלָלָה לֹא יִקָּחוּ וְאִשָּׁה גְּרוּשָׁה מֵאִישָׁהּ לֹא יִקָּחוּ כִּֽי ־ קָדֹשׁ הוּא לֵאלֹהָֽיו ׃

Levítico 21:7

בַּיִת וָהוֹן נַחֲלַת אָבוֹת וּמֵיְהוָה אִשָּׁה מַשְׂכָּֽלֶת ׃

Provérbios 19:14

אֶשְׁתְּךָ ׀ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶֽךָ ׃

Salmos 128:3

וַיְנַגַּע יְהוָה ׀ אֶת ־ פַּרְעֹה נְגָעִים גְּדֹלִים וְאֶת ־ בֵּיתוֹ עַל ־ דְּבַר שָׂרַי אֵשֶׁת אַבְרָֽם ׃

וַיִּקְרָא פַרְעֹה לְאַבְרָם וַיֹּאמֶר מַה ־ זֹּאת עָשִׂיתָ לִּי לָמָּה לֹא ־ הִגַּדְתָּ לִּי כִּי אִשְׁתְּךָ הִֽוא ׃

Gênesis 12:17,18

שְׂמֹאלוֹ תַּחַת לְרֹאשִׁי וִימִינוֹ תְּחַבְּקֵֽנִי ׃

Cânticos 2:6

וְנִקְבְּצוּ בְּנֵֽי ־ יְהוּדָה וּבְנֵֽי ־ יִשְׂרָאֵל יַחְדָּו וְשָׂמוּ לָהֶם רֹאשׁ אֶחָד וְעָלוּ מִן ־ הָאָרֶץ כִּי גָדוֹל יוֹם יִזְרְעֶֽאל ׃

Oséias 2:2

21 וַיַּפֵּל יְהוָה אֱלֹהִים ׀ תַּרְדֵּמָה עַל ־ הָאָדָם וַיִּישָׁן וַיִּקַּח אַחַת מִצַּלְעֹתָיו וַיִּסְגֹּר בָּשָׂר תַּחְתֶּֽנָּה ׃

22 וַיִּבֶן יְהוָה אֱלֹהִים ׀ אֶֽת ־ הַצֵּלָע אֲשֶׁר ־ לָקַח מִן ־ הָֽאָדָם לְאִשָּׁה וַיְבִאֶהָ אֶל ־ הָֽאָדָֽם ׃

23 וַיֹּאמֶר הָֽאָדָם זֹאת הַפַּעַם עֶצֶם מֵֽעֲצָמַי וּבָשָׂר מִבְּשָׂרִי לְזֹאת יִקָּרֵא אִשָּׁה כִּי מֵאִישׁ לֻֽקֳחָה ־ זֹּֽאת ׃

24 עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃

Gênesis 2:21-24

1 וְשָׂרַי אֵשֶׁת אַבְרָם לֹא יָלְדָה לוֹ וְלָ/הּ שִׁפְחָה מִצְרִית וּשְׁמָהּ הָגָֽר ׃

2 וַתֹּאמֶר שָׂרַי אֶל ־ אַבְרָם הִנֵּה ־ נָא עֲצָרַנִי יְהוָה מִלֶּדֶת בֹּא ־ נָא אֶל ־ שִׁפְחָתִי אוּלַי אִבָּנֶה מִמֶּנָּה וַיִּשְׁמַע אַבְרָם לְקוֹל שָׂרָֽי ׃

3 וַתִּקַּח שָׂרַי אֵֽשֶׁת ־ אַבְרָם אֶת ־ הָגָר הַמִּצְרִית שִׁפְחָתָהּ מִקֵּץ עֶשֶׂר שָׁנִים לְשֶׁבֶת אַבְרָם בְּאֶרֶץ כְּנָעַן וַתִּתֵּן אֹתָהּ לְאַבְרָם אִישָׁהּ לוֹ לְאִשָּֽׁה ׃

Gênesis 16:1-3

וַיִּתְחַזֵּק אֲבִיָּהוּ וַיִּשָּׂא ־ לוֹ נָשִׁים אַרְבַּע עֶשְׂרֵה וַיּוֹלֶד עֶשְׂרִים וּשְׁנַיִם בָּנִים וְשֵׁשׁ עֶשְׂרֵה בָּנֽוֹת ׃ ס

2 Crônicas 13:21

כֹּֽה ־ אָמַר אֲדֹנָי יְהֹוִה יַעַן הִשָּׁפֵךְ נְחֻשְׁתֵּךְ וַתִּגָּלֶה עֶרְוָתֵךְ בְּתַזְנוּתַיִךְ עַל ־ מְאַהֲבָיִךְ וְעַל כָּל ־ גִּלּוּלֵי תוֹעֲבוֹתַיִךְ וְכִדְמֵי בָנַיִךְ אֲשֶׁר נָתַתְּ לָהֶֽם ׃

לָכֵן הִנְנִי מְקַבֵּץ אֶת ־ כָּל ־ מְאַהֲבַיִךְ אֲשֶׁר עָרַבְתְּ עֲלֵיהֶם וְאֵת כָּל ־ אֲשֶׁר אָהַבְתְּ עַל כָּל ־ אֲשֶׁר שָׂנֵאת וְקִבַּצְתִּי אֹתָם עָלַיִךְ מִסָּבִיב וְגִלֵּיתִי עֶרְוָתֵךְ אֲלֵהֶם וְרָאוּ אֶת ־ כָּל ־ עֶרְוָתֵֽךְ ׃

Ezequiel 16:36,37

רָנִּי עֲקָרָה לֹא יָלָדָה פִּצְחִי רִנָּה וְצַהֲלִי לֹא ־ חָלָה כִּֽי ־ רַבִּים בְּֽנֵי ־ שׁוֹמֵמָה מִבְּנֵי בְעוּלָה אָמַר יְהוָֽה ׃

Isaías 54:1

כִּֽי ־ יִקַּח אִישׁ אִשָּׁה חֲדָשָׁה לֹא יֵצֵא בַּצָּבָא וְלֹא ־ יַעֲבֹר עָלָיו לְכָל ־ דָּבָר נָקִי יִהְיֶה לְבֵיתוֹ שָׁנָה אֶחָת וְשִׂמַּח אֶת ־ אִשְׁתּוֹ אֲשֶׁר ־ לָקָֽח ׃ ס

Deuteronômio 24:5

וְהָאָדָם יָדַע אֶת ־ חַוָּה אִשְׁתּוֹ וַתַּהַר וַתֵּלֶד אֶת ־ קַיִן וַתֹּאמֶר קָנִיתִי אִישׁ אֶת ־ יְהוָֽה ׃

וַיֵּדַע אָדָם עוֹד אֶת ־ אִשְׁתּוֹ וַתֵּלֶד בֵּן וַתִּקְרָא אֶת ־ שְׁמוֹ שֵׁת כִּי שָֽׁת ־ לִי אֱלֹהִים זֶרַע אַחֵר תַּחַת הֶבֶל כִּי הֲרָגוֹ קָֽיִן ׃

Gênesis 4:1,25

מָצָא אִשָּׁה מָצָא טוֹב וַיָּפֶק רָצוֹן מֵיְהוָֽה ׃

Provérbios 18:22

יִשָּׁקֵנִי מִנְּשִׁיקוֹת פִּיהוּ כִּֽי ־ טוֹבִים דֹּדֶיךָ מִיָּֽיִן ׃

Cânticos 1:2

13 כִּֽי ־ יִקַּח אִישׁ אִשָּׁה וּבָא אֵלֶיהָ וּשְׂנֵאָֽהּ ׃

14 וְשָׂם לָהּ עֲלִילֹת דְּבָרִים וְהוֹצִיא עָלֶיהָ שֵׁם רָע וְאָמַר אֶת ־ הָאִשָּׁה הַזֹּאת לָקַחְתִּי וָאֶקְרַב אֵלֶיהָ וְלֹא ־ מָצָאתִי לָהּ בְּתוּלִֽים ׃

15 וְלָקַח אֲבִי הנער וְאִמָּהּ וְהוֹצִיאוּ אֶת ־ בְּתוּלֵי הנער אֶל ־ זִקְנֵי הָעִיר הַשָּֽׁעְרָה ׃

16 וְאָמַר אֲבִי הנער אֶל ־ הַזְּקֵנִים אֶת ־ בִּתִּי נָתַתִּי לָאִישׁ הַזֶּה לְאִשָּׁה וַיִּשְׂנָאֶֽהָ ׃

17 וְהִנֵּה ־ הוּא שָׂם עֲלִילֹת דְּבָרִים לֵאמֹר לֹֽא ־ מָצָאתִי לְבִתְּךָ בְּתוּלִים וְאֵלֶּה בְּתוּלֵי בִתִּי וּפָֽרְשׂוּ הַשִּׂמְלָה לִפְנֵי זִקְנֵי הָעִֽיר ׃

Deuteronômio 22:13-17

יְהִֽי ־ מְקוֹרְךָ בָרוּךְ וּשְׂמַח מֵאֵשֶׁת נְעוּרֶֽךָ ׃

אַיֶּלֶת אֲהָבִים וְֽיַעֲלַת ־ חֵן דַּדֶּיהָ יְרַוֻּךָ בְכָל ־ עֵת בְּאַהֲבָתָהּ תִּשְׁגֶּה תָמִֽיד ׃

Provérbios 5:18,19

22 וַיִּבֶן יְהוָה אֱלֹהִים ׀ אֶֽת ־ הַצֵּלָע אֲשֶׁר ־ לָקַח מִן ־ הָֽאָדָם לְאִשָּׁה וַיְבִאֶהָ אֶל ־ הָֽאָדָֽם ׃

23 וַיֹּאמֶר הָֽאָדָם זֹאת הַפַּעַם עֶצֶם מֵֽעֲצָמַי וּבָשָׂר מִבְּשָׂרִי לְזֹאת יִקָּרֵא אִשָּׁה כִּי מֵאִישׁ לֻֽקֳחָה ־ זֹּֽאת ׃

24 עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃

Gênesis 2:22-24

כֵּן הַבָּא אֶל ־ אֵשֶׁת רֵעֵהוּ לֹא יִנָּקֶה כָּֽל ־ הַנֹּגֵעַ בָּֽהּ ׃

Provérbios 6:29

טוֹב לָשֶׁבֶת עַל ־ פִּנַּת ־ גָּג מֵאֵשֶׁת מִדְיָנִים וּבֵית חָֽבֶר ׃

Provérbios 21:9

עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃

וַיִּֽהְיוּ שְׁנֵיהֶם עֲרוּמִּים הָֽאָדָם וְאִשְׁתּוֹ וְלֹא יִתְבֹּשָֽׁשׁוּ ׃

Gênesis 2:24,25

שׂוֹשׂ אָשִׂישׂ בַּֽיהוָה תָּגֵל נַפְשִׁי בֵּֽאלֹהַי כִּי הִלְבִּישַׁנִי בִּגְדֵי ־ יֶשַׁע מְעִיל צְדָקָה יְעָטָנִי כֶּֽחָתָן יְכַהֵן פְּאֵר וְכַכַּלָּה תַּעְדֶּה כֵלֶֽיהָ ׃

Isaías 61:10

שְׁנֵי שָׁדַיִךְ כִּשְׁנֵי עֳפָרִים תְּאוֹמֵי צְבִיָּה הָרוֹעִים בַּשּׁוֹשַׁנִּֽים ׃

לִבַּבְתִּנִי אֲחֹתִי כַלָּה לִבַּבְתִּינִי באחד מֵעֵינַיִךְ בְּאַחַד עֲנָק מִצַּוְּרֹנָֽיִךְ ׃

Cânticos 4:5,9

כֻּלָּךְ יָפָה רַעְיָתִי וּמוּם אֵין בָּֽךְ ׃ ס

Cânticos 4:7

לֵב אָדָם יְחַשֵּׁב דַּרְכּוֹ וַֽיהוָה יָכִין צַעֲדֽוֹ ׃

Provérbios 16:9

זֹאת תּוֹרַת הַקְּנָאֹת אֲשֶׁר תִּשְׂטֶה אִשָּׁה תַּחַת אִישָׁהּ וְנִטְמָֽאָה ׃

אוֹ אִישׁ אֲשֶׁר תַּעֲבֹר עָלָיו רוּחַ קִנְאָה וְקִנֵּא אֶת ־ אִשְׁתּוֹ וְהֶעֱמִיד אֶת ־ הָֽאִשָּׁה לִפְנֵי יְהוָה וְעָשָׂה לָהּ הַכֹּהֵן אֵת כָּל ־ הַתּוֹרָה הַזֹּֽאת ׃

Números 5:29,30

שִׂימֵנִי כַֽחוֹתָם עַל ־ לִבֶּךָ כַּֽחוֹתָם עַל ־ זְרוֹעֶךָ כִּֽי ־ עַזָּה כַמָּוֶת אַהֲבָה קָשָׁה כִשְׁאוֹל קִנְאָה רְשָׁפֶיהָ רִשְׁפֵּי אֵשׁ שַׁלְהֶבֶתְיָֽה ׃

מַיִם רַבִּים לֹא יֽוּכְלוּ לְכַבּוֹת אֶת ־ הָֽאַהֲבָה וּנְהָרוֹת לֹא יִשְׁטְפוּהָ אִם ־ יִתֵּן אִישׁ אֶת ־ כָּל ־ הוֹן בֵּיתוֹ בָּאַהֲבָה בּוֹז יָבוּזוּ לֽוֹ ׃ ס

Cânticos 8:6,7

שׁוּבוּ בָנִים שׁוֹבָבִים נְאֻם ־ יְהוָה כִּי אָנֹכִי בָּעַלְתִּי בָכֶם וְלָקַחְתִּי אֶתְכֶם אֶחָד מֵעִיר וּשְׁנַיִם מִמִּשְׁפָּחָה וְהֵבֵאתִי אֶתְכֶם צִיּֽוֹן ׃

Jeremias 3:14

אֵֽשֶׁת ־ חַיִל עֲטֶרֶת בַּעְלָהּ וּכְרָקָב בְּעַצְמוֹתָיו מְבִישָֽׁה ׃

Provérbios 12:4

וְהוּא אִשָּׁה בִבְתוּלֶיהָ יִקָּֽח ׃

אַלְמָנָה וּגְרוּשָׁה וַחֲלָלָה זֹנָה אֶת ־ אֵלֶּה לֹא יִקָּח כִּי אִם ־ בְּתוּלָה מֵעַמָּיו יִקַּח אִשָּֽׁה ׃

Levítico 21:13,14

עֶרְוַת אֵֽשֶׁת ־ אָבִיךָ לֹא תְגַלֵּה עֶרְוַת אָבִיךָ הִֽוא ׃ ס

וְאֶל ־ אֵשֶׁת עֲמִֽיתְךָ לֹא ־ תִתֵּן שְׁכָבְתְּךָ לְזָרַע לְטָמְאָה ־ בָֽהּ ׃

Levítico 18:8,20

וַיֹּאמֶר יְהוָה אֱלֹהִים לֹא ־ טוֹב הֱיוֹת הָֽאָדָם לְבַדּוֹ אֶֽעֱשֶׂהּ ־ לּוֹ עֵזֶר כְּנֶגְדּֽוֹ ׃

Gênesis 2:18

וְאִישׁ אֲשֶׁר יִנְאַף אֶת ־ אֵשֶׁת אִישׁ אֲשֶׁר יִנְאַף אֶת ־ אֵשֶׁת רֵעֵהוּ מֽוֹת ־ יוּמַת הַנֹּאֵף וְהַנֹּאָֽפֶת ׃

וְאִישׁ אֲשֶׁר יִשְׁכַּב אֶת ־ זָכָר מִשְׁכְּבֵי אִשָּׁה תּוֹעֵבָה עָשׂוּ שְׁנֵיהֶם מוֹת יוּמָתוּ דְּמֵיהֶם בָּֽם ׃

Levítico 20:10,13

רְאֵה חַיִּים עִם ־ אִשָּׁה אֲשֶׁר ־ אָהַבְתָּ כָּל ־ יְמֵי חַיֵּי הֶבְלֶךָ אֲשֶׁר נָֽתַן ־ לְךָ תַּחַת הַשֶּׁמֶשׁ כֹּל יְמֵי הֶבְלֶךָ כִּי הוּא חֶלְקְךָ בַּֽחַיִּים וּבַעֲמָלְךָ אֲשֶׁר ־ אַתָּה עָמֵל תַּחַת הַשָּֽׁמֶשׁ ׃

Eclesiastes 9:9

9 טוֹבִים הַשְּׁנַיִם מִן ־ הָאֶחָד אֲשֶׁר יֵשׁ ־ לָהֶם שָׂכָר טוֹב בַּעֲמָלָֽם ׃

10 כִּי אִם ־ יִפֹּלוּ הָאֶחָד יָקִים אֶת ־ חֲבֵרוֹ וְאִילוֹ הָֽאֶחָד שֶׁיִּפּוֹל וְאֵין שֵׁנִי לַהֲקִימֽוֹ ׃

11 גַּם אִם ־ יִשְׁכְּבוּ שְׁנַיִם וְחַם לָהֶם וּלְאֶחָד אֵיךְ יֵחָֽם ׃

12 וְאִֽם ־ יִתְקְפוֹ הָאֶחָד הַשְּׁנַיִם יַעַמְדוּ נֶגְדּוֹ וְהַחוּט הַֽמְשֻׁלָּשׁ לֹא בִמְהֵרָה יִנָּתֵֽק ׃

Eclesiastes 4:9-12

10 וַיֹּאמֶר שׁוֹב אָשׁוּב אֵלֶיךָ כָּעֵת חַיָּה וְהִנֵּה ־ בֵן לְשָׂרָה אִשְׁתֶּךָ וְשָׂרָה שֹׁמַעַת פֶּתַח הָאֹהֶל וְהוּא אַחֲרָֽיו ׃

11 וְאַבְרָהָם וְשָׂרָה זְקֵנִים בָּאִים בַּיָּמִים חָדַל לִהְיוֹת לְשָׂרָה אֹרַח כַּנָּשִֽׁים ׃

12 וַתִּצְחַק שָׂרָה בְּקִרְבָּהּ לֵאמֹר אַחֲרֵי בְלֹתִי הָֽיְתָה ־ לִּי עֶדְנָה וַֽאדֹנִי זָקֵֽן ׃

Gênesis 18:10-12

אֵֽשֶׁת ־ חַיִל מִי יִמְצָא וְרָחֹק מִפְּנִינִים מִכְרָֽהּ ׃

Provérbios 31:10

תְּחִלַּת דִּבֶּר ־ יְהוָה בְּהוֹשֵׁעַ פ וַיֹּאמֶר יְהוָה אֶל ־ הוֹשֵׁעַ לֵךְ קַח ־ לְךָ אֵשֶׁת זְנוּנִים וְיַלְדֵי זְנוּנִים כִּֽי ־ זָנֹה תִזְנֶה הָאָרֶץ מֵֽאַחֲרֵי יְהוָֽה ׃

Oséias 1:2

לֹא תַחְמֹד בֵּית רֵעֶךָ לֹֽא ־ תַחְמֹד אֵשֶׁת רֵעֶךָ וְעַבְדּוֹ וַאֲמָתוֹ וְשׁוֹרוֹ וַחֲמֹרוֹ וְכֹל אֲשֶׁר לְרֵעֶֽךָ ׃ פ

Êxodo 20:17

נֹאֵף אִשָּׁה חֲסַר ־ לֵב מַֽשְׁחִית נַפְשׁוֹ הוּא יַעֲשֶֽׂנָּה ׃

Provérbios 6:32

מַיִם רַבִּים לֹא יֽוּכְלוּ לְכַבּוֹת אֶת ־ הָֽאַהֲבָה וּנְהָרוֹת לֹא יִשְׁטְפוּהָ אִם ־ יִתֵּן אִישׁ אֶת ־ כָּל ־ הוֹן בֵּיתוֹ בָּאַהֲבָה בּוֹז יָבוּזוּ לֽוֹ ׃ ס

Cânticos 8:7

עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃

Gênesis 2:24

כִּֽי ־ יִקַּח אִישׁ אִשָּׁה וּבְעָלָהּ וְהָיָה אִם ־ לֹא תִמְצָא ־ חֵן בְּעֵינָיו כִּי ־ מָצָא בָהּ עֶרְוַת דָּבָר וְכָתַב לָהּ סֵפֶר כְּרִיתֻת וְנָתַן בְּיָדָהּ וְשִׁלְּחָהּ מִבֵּיתֽוֹ ׃

Deuteronômio 24:1

וְלֹא ־ אֶחָד עָשָׂה וּשְׁאָר רוּחַ לוֹ וּמָה הָֽאֶחָד מְבַקֵּשׁ זֶרַע אֱלֹהִים וְנִשְׁמַרְתֶּם בְּרוּחֲכֶם וּבְאֵשֶׁת נְעוּרֶיךָ אַל ־ יִבְגֹּֽד ׃

כִּֽי ־ שָׂנֵא שַׁלַּח אָמַר יְהוָה אֱלֹהֵי יִשְׂרָאֵל וְכִסָּה חָמָס עַל ־ לְבוּשׁוֹ אָמַר יְהוָה צְבָאוֹת וְנִשְׁמַרְתֶּם בְּרוּחֲכֶם וְלֹא תִבְגֹּֽדוּ ׃ ס

Malaquias 2:15,16

לֹא תִּֿנְאָֽף ׃ ס

Êxodo 20:14