Confiar no Senhor

כִּי שֶׁמֶשׁ ׀ וּמָגֵן יְהוָה אֱלֹהִים חֵן וְכָבוֹד יִתֵּן יְהוָה לֹא יִמְנַע ־ טוֹב לַֽהֹלְכִים בְּתָמִֽים ׃ יְהוָה צְבָאוֹת אַֽשְׁרֵי אָדָם בֹּטֵחַ בָּֽךְ ׃

Salmos 84:12

שִׁיר הַֽמַּעֲלוֹת הַבֹּטְחִים בַּיהוָה כְּֽהַר ־ צִיּוֹן לֹא ־ יִמּוֹט לְעוֹלָם יֵשֵֽׁב ׃

יְֽרוּשָׁלִַם הָרִים סָבִיב לָהּ וַיהוָה סָבִיב לְעַמּוֹ מֵעַתָּה וְעַד ־ עוֹלָֽם ׃

Salmos 125:1,2

בָּרוּךְ הַגֶּבֶר אֲשֶׁר יִבְטַח בַּֽיהוָה וְהָיָה יְהוָה מִבְטַחֽוֹ ׃

וְהָיָה כְּעֵץ ׀ שָׁתוּל עַל ־ מַיִם וְעַל ־ יוּבַל יְשַׁלַּח שָֽׁרָשָׁיו וְלֹא ירא כִּֽי ־ יָבֹא חֹם וְהָיָה עָלֵהוּ רַֽעֲנָן וּבִשְׁנַת בַּצֹּרֶת לֹא יִדְאָג וְלֹא יָמִישׁ מֵעֲשׂוֹת פֶּֽרִי ׃

Jeremias 17:7,8

וִיהִי יְהוָה מִשְׂגָּב לַדָּךְ מִשְׂגָּב לְעִתּוֹת בַּצָּרָֽה ׃

Salmos 9:10

וַיִּתֵּן בְּפִי ׀ שִׁיר חָדָשׁ תְּהִלָּה לֵֽאלֹהֵינוּ יִרְאוּ רַבִּים וְיִירָאוּ וְיִבְטְחוּ בַּיהוָֽה ׃

Salmos 40:4

בְּטַח אֶל ־ יְהוָה בְּכָל ־ לִבֶּךָ וְאֶל ־ בִּֽינָתְךָ אַל ־ תִּשָּׁעֵֽן ׃

בְּכָל ־ דְּרָכֶיךָ דָעֵהוּ וְהוּא יְיַשֵּׁר אֹֽרְחֹתֶֽיךָ ׃

Provérbios 3:5,6

1 יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָֽן ׃

2 אֹמַר לַֽיהוָה מַחְסִי וּמְצוּדָתִי אֱלֹהַי אֶבְטַח ־ בּֽוֹ ׃

3 כִּי הוּא יַצִּֽילְךָ מִפַּח יָקוּשׁ מִדֶּבֶר הַוּֽוֹת ׃

4 בְּאֶבְרָתוֹ ׀ יָסֶךְ לָךְ וְתַֽחַת ־ כְּנָפָיו תֶּחְסֶה צִנָּה וְֽסֹחֵרָה אֲמִתּֽוֹ ׃

Salmos 91:1-4

מִשְּׁמוּעָה רָעָה לֹא יִירָא נָכוֹן לִבּוֹ בָּטֻחַ בַּיהוָֽה ׃

Salmos 112:7

בִּטְחוּ בַֽיהוָה עֲדֵי ־ עַד כִּי בְּיָהּ יְהוָה צוּר עוֹלָמִֽים ׃

Isaías 26:4

עַתָּה יָדַעְתִּי כִּי הוֹשִׁיעַ ׀ יְהוָה מְשִׁיחוֹ יַעֲנֵהוּ מִשְּׁמֵי קָדְשׁוֹ בִּגְבֻרוֹת יֵשַׁע יְמִינֽוֹ ׃

אֵלֶּה בָרֶכֶב וְאֵלֶּה בַסּוּסִים וַאֲנַחְנוּ ׀ בְּשֵׁם ־ יְהוָה אֱלֹהֵינוּ נַזְכִּֽיר ׃

Salmos 20:7,8

פֶּן ־ יֹאמַר אֹיְבִי יְכָלְתִּיו צָרַי יָגִילוּ כִּי אֶמּֽוֹט ׃

Salmos 13:5

כִּי שָׁמַעְתִּי ׀ דִּבַּת רַבִּים מָגוֹר מִסָּבִיב בְּהִוָּסְדָם יַחַד עָלַי לָקַחַת נַפְשִׁי זָמָֽמוּ ׃

Salmos 31:14

אָז יָשׁוּבוּ אוֹיְבַי אָחוֹר בְּיוֹם אֶקְרָא זֶה ־ יָדַעְתִּי כִּֽי ־ אֱלֹהִים לִֽי ׃

בֵּֽאלֹהִים אֲהַלֵּל דָּבָר בַּיהוָה אֲהַלֵּל דָּבָֽר ׃

Salmos 56:10,11

3 בְּטַח בַּֽיהוָה וַעֲשֵׂה ־ טוֹב שְׁכָן ־ אֶרֶץ וּרְעֵה אֱמוּנָֽה ׃

4 וְהִתְעַנַּג עַל ־ יְהוָה וְיִֽתֶּן ־ לְךָ מִשְׁאֲלֹת לִבֶּֽךָ ׃

5 גּוֹל עַל ־ יְהוָה דַּרְכֶּךָ וּבְטַח עָלָיו וְהוּא יַעֲשֶֽׂה ׃

6 וְהוֹצִיא כָאוֹר צִדְקֶךָ וּמִשְׁפָּטֶךָ כַּֽצָּהֳרָֽיִם ׃

Salmos 37:3-6

הִנֵּה אֵל יְשׁוּעָתִי אֶבְטַח וְלֹא אֶפְחָד כִּֽי ־ עָזִּי וְזִמְרָת יָהּ יְהוָה וַֽיְהִי ־ לִי לִֽישׁוּעָֽה ׃

Isaías 12:2

טוֹב לַחֲסוֹת בַּיהוָה מִבְּטֹחַ בָּאָדָֽם ׃

טוֹב לַחֲסוֹת בַּיהוָה מִבְּטֹחַ בִּנְדִיבִֽים ׃

Salmos 118:8,9