Convicção

כְּשָׁמִיר חָזָק מִצֹּר נָתַתִּי מִצְחֶךָ לֹֽא ־ תִירָא אוֹתָם וְלֹא ־ תֵחַת מִפְּנֵיהֶם כִּי בֵּֽית ־ מְרִי הֵֽמָּה ׃ פ

Ezequiel 3:9

עַל הַר ־ גָּבֹהַ עֲלִי ־ לָךְ מְבַשֶּׂרֶת צִיּוֹן הָרִימִי בַכֹּחַ קוֹלֵךְ מְבַשֶּׂרֶת יְרוּשָׁלִָם הָרִימִי אַל ־ תִּירָאִי אִמְרִי לְעָרֵי יְהוּדָה הִנֵּה אֱלֹהֵיכֶֽם ׃

Isaías 40:9

וַיֹּאמֶר יְהוָה אֵלַי אַל ־ תֹּאמַר נַעַר אָנֹכִי כִּי עַֽל ־ כָּל ־ אֲשֶׁר אֶֽשְׁלָחֲךָ תֵּלֵךְ וְאֵת כָּל ־ אֲשֶׁר אֲצַוְּךָ תְּדַבֵּֽר ׃

Jeremias 1:7

וַאֲדַבְּרָה בְעֵדֹתֶיךָ נֶגֶד מְלָכִים וְלֹא אֵבֽוֹשׁ ׃

Salmos 119:46

אֲדֹנָי יְהֹוִה נָתַן לִי לְשׁוֹן לִמּוּדִים לָדַעַת לָעוּת אֶת ־ יָעֵף דָּבָר יָעִיר ׀ בַּבֹּקֶר בַּבֹּקֶר יָעִיר לִי אֹזֶן לִשְׁמֹעַ כַּלִּמּוּדִֽים ׃

Isaías 50:4

חֶרְדַּת אָדָם יִתֵּן מוֹקֵשׁ וּבוֹטֵחַ בַּיהוָה יְשֻׂגָּֽב ׃

Provérbios 29:25