Criação

שִׁיר לַֽמַּעֲלוֹת אֶשָּׂא עֵינַי אֶל ־ הֶהָרִים מֵאַיִן יָבֹא עֶזְרִֽי ׃

עֶזְרִי מֵעִם יְהוָה עֹשֵׂה שָׁמַיִם וָאָֽרֶץ ׃

Salmos 121:1,2

אֲהָהּ אֲדֹנָי יְהוִה הִנֵּה ׀ אַתָּה עָשִׂיתָ אֶת ־ הַשָּׁמַיִם וְאֶת ־ הָאָרֶץ בְּכֹֽחֲךָ הַגָּדוֹל וּבִֽזְרֹעֲךָ הַנְּטוּיָה לֹֽא ־ יִפָּלֵא מִמְּךָ כָּל ־ דָּבָֽר ׃

Jeremias 32:17

בְּטֶרֶם ׀ הָרִים יֻלָּדוּ וַתְּחוֹלֵֽל אֶרֶץ וְתֵבֵל וּֽמֵעוֹלָם עַד ־ עוֹלָם אַתָּה אֵֽל ׃

Salmos 90:2

הוֹי רָב אֶת ־ יֹצְרוֹ חֶרֶשׂ אֶת ־ חַרְשֵׂי אֲדָמָה הֲיֹאמַר חֹמֶר לְיֹֽצְרוֹ מַֽה ־ תַּעֲשֶׂה וּפָעָלְךָ אֵין ־ יָדַיִם לֽוֹ ׃ ס

Isaías 45:9

בֹּאוּ נִשְׁתַּחֲוֶה וְנִכְרָעָה נִבְרְכָה לִֽפְנֵי ־ יְהוָה עֹשֵֽׂנוּ ׃

Salmos 95:6

בִּדְבַר יְהוָה שָׁמַיִם נַעֲשׂוּ וּבְרוּחַ פִּיו כָּל ־ צְבָאָֽם ׃

Salmos 33:6

זֶה ־ הַיּוֹם עָשָׂה יְהוָה נָגִילָה וְנִשְׂמְחָה בֽוֹ ׃

Salmos 118:24

וַיֹּאמֶר יְהוָה אֱלֹהִים לֹא ־ טוֹב הֱיוֹת הָֽאָדָם לְבַדּוֹ אֶֽעֱשֶׂהּ ־ לּוֹ עֵזֶר כְּנֶגְדּֽוֹ ׃

Gênesis 2:18

וַיִּבְרָא אֱלֹהִים ׀ אֶת ־ הָֽאָדָם בְּצַלְמוֹ בְּצֶלֶם אֱלֹהִים בָּרָא אֹתוֹ זָכָר וּנְקֵבָה בָּרָא אֹתָֽם ׃

Gênesis 1:27

עֶזְרֵנוּ בְּשֵׁם יְהוָה עֹשֵׂה שָׁמַיִם וָאָֽרֶץ ׃

Salmos 124:8

הֲלוֹא יָדַעְתָּ אִם ־ לֹא שָׁמַעְתָּ אֱלֹהֵי עוֹלָם ׀ יְהוָה בּוֹרֵא קְצוֹת הָאָרֶץ לֹא יִיעַף וְלֹא יִיגָע אֵין חֵקֶר לִתְבוּנָתֽוֹ ׃

Isaías 40:28

וַיְבָרֶךְ אֱלֹהִים אֶת ־ יוֹם הַשְּׁבִיעִי וַיְקַדֵּשׁ אֹתוֹ כִּי בוֹ שָׁבַת מִכָּל ־ מְלַאכְתּוֹ אֲשֶׁר ־ בָּרָא אֱלֹהִים לַעֲשֽׂוֹת ׃ פ

Gênesis 2:3

וַיֹּאמֶר אֱלֹהִים נַֽעֲשֶׂה אָדָם בְּצַלְמֵנוּ כִּדְמוּתֵנוּ וְיִרְדּוּ בִדְגַת הַיָּם וּבְעוֹף הַשָּׁמַיִם וּבַבְּהֵמָה וּבְכָל ־ הָאָרֶץ וּבְכָל ־ הָרֶמֶשׂ הָֽרֹמֵשׂ עַל ־ הָאָֽרֶץ ׃

Gênesis 1:26

הַבּוֹנֶה בַשָּׁמַיִם מעלותו וַאֲגֻדָּתוֹ עַל ־ אֶרֶץ יְסָדָהּ הַקֹּרֵא לְמֵֽי ־ הַיָּם וַֽיִּשְׁפְּכֵם עַל ־ פְּנֵי הָאָרֶץ יְהוָה שְׁמֽוֹ ׃

Amós 9:6

בְּרֵאשִׁית בָּרָא אֱלֹהִים אֵת הַשָּׁמַיִם וְאֵת הָאָֽרֶץ ׃

וְהָאָרֶץ הָיְתָה תֹהוּ וָבֹהוּ וְחֹשֶׁךְ עַל ־ פְּנֵי תְהוֹם וְרוּחַ אֱלֹהִים מְרַחֶפֶת עַל ־ פְּנֵי הַמָּֽיִם ׃

Gênesis 1:1,2

כִּֽי ־ אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽי ׃

אֽוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹֽד ׃

Salmos 139:13,14