מַתָּן אָדָם יַרְחִיב לוֹ וְלִפְנֵי גְדֹלִים יַנְחֶֽנּוּ ׃

לֹוֶה רָשָׁע וְלֹא יְשַׁלֵּם וְצַדִּיק חוֹנֵן וְנוֹתֵֽן ׃

וְכִי מִי אֲנִי וּמִי עַמִּי כִּֽי ־ נַעְצֹר כֹּחַ לְהִתְנַדֵּב כָּזֹאת כִּֽי ־ מִמְּךָ הַכֹּל וּמִיָּדְךָ נָתַנּוּ לָֽךְ ׃

וַיֹּאמֶר לָהֶם לְכוּ אִכְלוּ מַשְׁמַנִּים וּשְׁתוּ מַֽמְתַקִּים וְשִׁלְחוּ מָנוֹת לְאֵין נָכוֹן לוֹ כִּֽי ־ קָדוֹשׁ הַיּוֹם לַאֲדֹנֵינוּ וְאַל ־ תֵּעָצֵבוּ כִּֽי ־ חֶדְוַת יְהוָה הִיא מָֽעֻזְּכֶֽם ׃

וְהִתְעַנַּג עַל ־ יְהוָה וְיִֽתֶּן ־ לְךָ מִשְׁאֲלֹת לִבֶּֽךָ ׃

הָבִיאוּ אֶת ־ כָּל ־ הַֽמַּעֲשֵׂר אֶל ־ בֵּית הָאוֹצָר וִיהִי טֶרֶף בְּבֵיתִי וּבְחָנוּנִי נָא בָּזֹאת אָמַר יְהוָה צְבָאוֹת אִם ־ לֹא אֶפְתַּח לָכֶם אֵת אֲרֻבּוֹת הַשָּׁמַיִם וַהֲרִיקֹתִי לָכֶם בְּרָכָה עַד ־ בְּלִי ־ דָֽי ׃

כַּבֵּד אֶת ־ יְהוָה מֵהוֹנֶךָ וּמֵרֵאשִׁית כָּל ־ תְּבוּאָתֶֽךָ ׃

כָּל ־ הַיּוֹם הִתְאַוָּה תַאֲוָה וְצַדִּיק יִתֵּן וְלֹא יַחְשֹֽׂךְ ׃

נֶֽפֶשׁ ־ בְּרָכָה תְדֻשָּׁן וּמַרְוֶה גַּם ־ הוּא יוֹרֶֽא ׃

אַל ־ תִּמְנַע ־ טוֹב מִבְּעָלָיו בִּהְיוֹת לְאֵל ידיך לַעֲשֽׂוֹת ׃

פְּתַח ־ פִּיךָ שְׁפָט ־ צֶדֶק וְדִין עָנִי וְאֶבְיֽוֹן ׃ פ