הֲלוֹא צִוִּיתִיךָ חֲזַק וֶאֱמָץ אַֽל ־ תַּעֲרֹץ וְאַל ־ תֵּחָת כִּי עִמְּךָ יְהוָה אֱלֹהֶיךָ בְּכֹל אֲשֶׁר תֵּלֵֽךְ ׃ פ

וּבִקַּשְׁתֶּם מִשָּׁם אֶת ־ יְהוָה אֱלֹהֶיךָ וּמָצָאתָ כִּי תִדְרְשֶׁנּוּ בְּכָל ־ לְבָבְךָ וּבְכָל ־ נַפְשֶֽׁךָ ׃

כַּבֵּד אֶת ־ אָבִיךָ וְאֶת ־ אִמֶּךָ לְמַעַן יַאֲרִכוּן יָמֶיךָ עַל הָאֲדָמָה אֲשֶׁר ־ יְהוָה אֱלֹהֶיךָ נֹתֵן לָֽךְ ׃ ס

עַל ־ כֵּן גָּדַלְתָּ אֲדֹנָי יְהוִה כִּֽי ־ אֵין כָּמוֹךָ וְאֵין אֱלֹהִים זֽוּלָתֶךָ בְּכֹל אֲשֶׁר ־ שָׁמַעְנוּ בְּאָזְנֵֽינוּ ׃

קוּמִי אוֹרִי כִּי בָא אוֹרֵךְ וּכְבוֹד יְהוָה עָלַיִךְ זָרָֽח ׃

כִּי מֹצְאִי מצאי חַיִּים וַיָּפֶק רָצוֹן מֵיְהוָֽה ׃

שָׁאֲפוּ שׁוֹרְרַי כָּל ־ הַיּוֹם כִּֽי ־ רַבִּים לֹחֲמִים לִי מָרֽוֹם ׃

כִּי לֹא מַחְשְׁבוֹתַי מַחְשְׁבוֹתֵיכֶם וְלֹא דַרְכֵיכֶם דְּרָכָי נְאֻם יְהוָֽה ׃

כִּי אֲנִי יְהוָה אֱלֹהֶיךָ מַחֲזִיק יְמִינֶךָ הָאֹמֵר לְךָ אַל ־ תִּירָא אֲנִי עֲזַרְתִּֽיךָ ׃ ס

מִי ־ לִי בַשָּׁמָיִם וְעִמְּךָ לֹא ־ חָפַצְתִּי בָאָֽרֶץ ׃

יְהוָה אֱלֹהַי אַתָּה אֲרֽוֹמִמְךָ אוֹדֶה שִׁמְךָ כִּי עָשִׂיתָ פֶּלֶא עֵצוֹת מֵֽרָחוֹק אֱמוּנָה אֹֽמֶן ׃

אֵין ־ קָדוֹשׁ כַּיהוָה כִּי אֵין בִּלְתֶּךָ וְאֵין צוּר כֵּאלֹהֵֽינוּ ׃

יְהוָה אֱלֹהַיִךְ בְּקִרְבֵּך גִּבּוֹר יוֹשִׁיעַ יָשִׂישׂ עָלַיִךְ בְּשִׂמְחָה יַחֲרִישׁ בְּאַהֲבָתוֹ יָגִיל עָלַיִךְ בְּרִנָּֽה ׃

אָמַרְתְּ לַֽיהוָה אֲדֹנָי אָתָּה טוֹבָתִי בַּל ־ עָלֶֽיךָ ׃

הַטֵּה אֵלַי ׀ אָזְנְךָ מְהֵרָה הַצִּילֵנִי הֱיֵה לִי ׀ לְֽצוּר ־ מָעוֹז לְבֵית מְצוּדוֹת לְהוֹשִׁיעֵֽנִי ׃

חֹנֶה מַלְאַךְ ־ יְהוָה סָבִיב לִֽירֵאָיו וַֽיְחַלְּצֵֽם ׃