וְחֶסֶד יְהוָה ׀ מֵעוֹלָם וְעַד ־ עוֹלָם עַל ־ יְרֵאָיו וְצִדְקָתוֹ לִבְנֵי בָנִֽים ׃

נַעַר ׀ הָיִיתִי גַּם ־ זָקַנְתִּי וְֽלֹא ־ רָאִיתִי צַדִּיק נֶעֱזָב וְזַרְעוֹ מְבַקֶּשׁ ־ לָֽחֶם ׃

וְעַד ־ זִקְנָה אֲנִי הוּא וְעַד ־ שֵיבָה אֲנִי אֶסְבֹּל אֲנִי עָשִׂיתִי וַאֲנִי אֶשָּׂא וַאֲנִי אֶסְבֹּל וַאֲמַלֵּֽט ׃ ס

עֲטֶרֶת תִּפְאֶרֶת שֵׂיבָה בְּדֶרֶךְ צְדָקָה תִּמָּצֵֽא ׃

רַק הִשָּׁמֶר לְךָ וּשְׁמֹר נַפְשְׁךָ מְאֹד פֶּן ־ תִּשְׁכַּח אֶת ־ הַדְּבָרִים אֲשֶׁר ־ רָאוּ עֵינֶיךָ וּפֶן ־ יָסוּרוּ מִלְּבָבְךָ כֹּל יְמֵי חַיֶּיךָ וְהוֹדַעְתָּם לְבָנֶיךָ וְלִבְנֵי בָנֶֽיךָ ׃

שְׁתוּלִים בְּבֵית יְהוָה בְּחַצְרוֹת אֱלֹהֵינוּ יַפְרִֽיחוּ ׃

עוֹד יְנוּבוּן בְּשֵׂיבָה דְּשֵׁנִים וְרַֽעֲנַנִּים יִהְיֽוּ ׃ לְהַגִּיד כִּֽי ־ יָשָׁר יְהוָה צוּרִי וְֽלֹא ־ עלתה בּֽוֹ ׃

וְיִֽעֲפוּ נְעָרִים וְיִגָעוּ וּבַחוּרִים כָּשׁוֹל יִכָּשֵֽׁלוּ ׃

וְקוֹיֵ יְהוָה יַחֲלִיפוּ כֹחַ יַעֲלוּ אֵבֶר כַּנְּשָׁרִים יָרוּצוּ וְלֹא יִיגָעוּ יֵלְכוּ וְלֹא יִיעָֽפוּ ׃ פ

כִּי ־ טוֹב יְהֹוָה לְעוֹלָם חַסְדּוֹ וְעַד ־ דֹּר וָדֹר אֱמוּנָתֽוֹ ׃

דּוֹר לְדוֹר יְשַׁבַּח מַעֲשֶׂיךָ וּגְבוּרֹתֶיךָ יַגִּֽידוּ ׃

עֲטֶרֶת זְקֵנִים בְּנֵי בָנִים וְתִפְאֶרֶת בָּנִים אֲבוֹתָֽם ׃