יְהוָה חָנֵּנוּ לְךָ קִוִּינוּ הֱיֵה זְרֹעָם לַבְּקָרִים אַף ־ יְשׁוּעָתֵנוּ בְּעֵת צָרָֽה ׃

אַל ־ תֹּאמַר אֲשַׁלְּמָה ־ רָע קַוֵּה לַֽיהוָה וְיֹשַֽׁע לָֽךְ ׃

כִּֽי ־ מְרֵעִים יִכָּרֵתוּן וְקֹוֵי יְהוָה הֵמָּה יִֽירְשׁוּ ־ אָֽרֶץ ׃

פָּגַעְתָּ אֶת ־ שָׂשׂ וְעֹשֵׂה צֶדֶק בִּדְרָכֶיךָ יִזְכְּרוּךָ הֵן ־ אַתָּה קָצַפְתָּ וַֽנֶּחֱטָא בָּהֶם עוֹלָם וְנִוָּשֵֽׁעַ ׃

דּוֹם ׀ לַיהוָה וְהִתְחוֹלֵל לוֹ אַל ־ תִּתְחַר בְּמַצְלִיחַ דַּרְכּוֹ בְּאִישׁ עֹשֶׂה מְזִמּֽוֹת ׃

קַוֵּה אֶל ־ יְהוָה ׀ וּשְׁמֹר דַּרְכּוֹ וִֽירוֹמִמְךָ לָרֶשֶׁת אָרֶץ בְּהִכָּרֵת רְשָׁעִים תִּרְאֶֽה ׃

קִוִּיתִי יְהוָה קִוְּתָה נַפְשִׁי וְֽלִדְבָרוֹ הוֹחָֽלְתִּי ׃

נַפְשִׁי לַֽאדֹנָי מִשֹּׁמְרִים לַבֹּקֶר שֹׁמְרִים לַבֹּֽקֶר ׃

גַּם כָּל ־ קֹוֶיךָ לֹא יֵבֹשׁוּ יֵבֹשׁוּ הַבּוֹגְדִים רֵיקָֽם ׃

וָאֱהִי כְּאִישׁ אֲשֶׁר לֹא ־ שֹׁמֵעַ וְאֵין בְּפִיו תּוֹכָחֽוֹת ׃

קַוֵּה אֶל ־ יְהוָה חֲזַק וְיַאֲמֵץ לִבֶּךָ וְקַוֵּה אֶל ־ יְהוָֽה ׃

לַמְנַצֵּחַ לְדָוִד מִזְמֽוֹר ׃

וְקוֹיֵ יְהוָה יַחֲלִיפוּ כֹחַ יַעֲלוּ אֵבֶר כַּנְּשָׁרִים יָרוּצוּ וְלֹא יִיגָעוּ יֵלְכוּ וְלֹא יִיעָֽפוּ ׃ פ

אַךְ מִשְּׂאֵתוֹ ׀ יָעֲצוּ לְהַדִּיחַ יִרְצוּ כָזָב בְּפִיו יְבָרֵכוּ וּבְקִרְבָּם יְקַלְלוּ ־ סֶֽלָה ׃