וְאִם רַע בְּֽעֵינֵיכֶם לַעֲבֹד אֶת ־ יְהוָה בַּחֲרוּ לָכֶם הַיּוֹם אֶת ־ מִי תַעֲבֹדוּן אִם אֶת ־ אֱלֹהִים אֲשֶׁר ־ עָבְדוּ אֲבוֹתֵיכֶם אֲשֶׁר בעבר הַנָּהָר וְאִם אֶת ־ אֱלֹהֵי הָאֱמֹרִי אֲשֶׁר אַתֶּם יֹשְׁבִים בְּאַרְצָם וְאָנֹכִי וּבֵיתִי נַעֲבֹד אֶת ־ יְהוָֽה ׃ פ

עֲטֶרֶת זְקֵנִים בְּנֵי בָנִים וְתִפְאֶרֶת בָּנִים אֲבוֹתָֽם ׃

וְחֶסֶד יְהוָה ׀ מֵעוֹלָם וְעַד ־ עוֹלָם עַל ־ יְרֵאָיו וְצִדְקָתוֹ לִבְנֵי בָנִֽים ׃

לְשֹׁמְרֵי בְרִיתוֹ וּלְזֹכְרֵי פִקֻּדָיו לַעֲשׂוֹתָֽם ׃

שְׁמַע בְּנִי מוּסַר אָבִיךָ וְאַל ־ תִּטֹּשׁ תּוֹרַת אִמֶּֽךָ ׃

כִּי ׀ לִוְיַת חֵן הֵם לְרֹאשֶׁךָ וַעֲנָקִים לְגַרְגְּרֹתֶֽיךָ ׃

רְאֵה חַיִּים עִם ־ אִשָּׁה אֲשֶׁר ־ אָהַבְתָּ כָּל ־ יְמֵי חַיֵּי הֶבְלֶךָ אֲשֶׁר נָֽתַן ־ לְךָ תַּחַת הַשֶּׁמֶשׁ כֹּל יְמֵי הֶבְלֶךָ כִּי הוּא חֶלְקְךָ בַּֽחַיִּים וּבַעֲמָלְךָ אֲשֶׁר ־ אַתָּה עָמֵל תַּחַת הַשָּֽׁמֶשׁ ׃

הָכֵן בַּחוּץ ׀ מְלַאכְתֶּךָ וְעַתְּדָהּ בַּשָּׂדֶה לָךְ אַחַר וּבָנִיתָ בֵיתֶֽךָ ׃ פ

וַיְבָרֶךְ אֹתָם אֱלֹהִים וַיֹּאמֶר לָהֶם אֱלֹהִים פְּרוּ וּרְבוּ וּמִלְאוּ אֶת ־ הָאָרֶץ וְכִבְשֻׁהָ וּרְדוּ בִּדְגַת הַיָּם וּבְעוֹף הַשָּׁמַיִם וּבְכָל ־ חַיָּה הָֽרֹמֶשֶׂת עַל ־ הָאָֽרֶץ ׃

בְּכָל ־ עֵת אֹהֵב הָרֵעַ וְאָח לְצָרָה יִוָּלֵֽד ׃

חֲנֹךְ לַנַּעַר עַל ־ פִּי דַרְכּוֹ גַּם כִּֽי ־ יַזְקִין לֹֽא ־ יָסוּר מִמֶּֽנָּה ׃

אִישׁ רֵעִים לְהִתְרֹעֵעַ וְיֵשׁ אֹהֵב דָּבֵק מֵאָֽח ׃

מִשְׁלֵי שְׁלֹמֹה פ בֵּן חָכָם יְשַׂמַּח ־ אָב וּבֵן כְּסִיל תּוּגַת אִמּֽוֹ ׃

כַּבֵּד אֶת ־ אָבִיךָ וְאֶת ־ אִמֶּךָ לְמַעַן יַאֲרִכוּן יָמֶיךָ עַל הָאֲדָמָה אֲשֶׁר ־ יְהוָה אֱלֹהֶיךָ נֹתֵן לָֽךְ ׃ ס

וְהָיוּ הַדְּבָרִים הָאֵלֶּה אֲשֶׁר אָנֹכִי מְצַוְּךָ הַיּוֹם עַל ־ לְבָבֶֽךָ ׃

וְשִׁנַּנְתָּם לְבָנֶיךָ וְדִבַּרְתָּ בָּם בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶךְ וּֽבְשָׁכְבְּךָ וּבְקוּמֶֽךָ ׃

רֵֽעֲךָ ורעה אָבִיךָ אַֽל ־ תַּעֲזֹב וּבֵית אָחִיךָ אַל ־ תָּבוֹא בְּיוֹם אֵידֶךָ טוֹב שָׁכֵן קָרוֹב מֵאָח רָחֽוֹק ׃

עֹכֵר בֵּיתוֹ בּוֹצֵעַ בָּצַע וְשׂוֹנֵא מַתָּנֹת יִחְיֶֽה ׃

נְצֹר בְּנִי מִצְוַת אָבִיךָ וְאַל ־ תִּטֹּשׁ תּוֹרַת אִמֶּֽךָ ׃

עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃

בְּנִי אִם ־ חָכַם לִבֶּךָ יִשְׂמַח לִבִּי גַם ־ אָֽנִי ׃

³ הִנֵּה נַחֲלַת יְהוָה בָּנִים שָׂכָר פְּרִי הַבָּֽטֶן ׃

⁴ כְּחִצִּים בְּיַד ־ גִּבּוֹר כֵּן בְּנֵי הַנְּעוּרִֽים ׃

⁵ אַשְׁרֵי הַגֶּבֶר אֲשֶׁר מִלֵּא אֶת ־ אַשְׁפָּתוֹ מֵהֶם לֹֽא ־ יֵבֹשׁוּ כִּֽי ־ יְדַבְּרוּ אֶת ־ אוֹיְבִים בַּשָּֽׁעַר ׃

יְהִי יְהוָה אֱלֹהֵינוּ עִמָּנוּ כַּאֲשֶׁר הָיָה עִם ־ אֲבֹתֵינוּ אַל ־ יַעַזְבֵנוּ וְאַֽל ־ יִטְּשֵֽׁנוּ ׃

עוֹכֵר בֵּיתוֹ יִנְחַל ־ רוּחַ וְעֶבֶד אֱוִיל לַחֲכַם ־ לֵֽב ׃

גול יגול אֲבִי צַדִּיק יולד חָכָם וישמח ־ בּֽוֹ ׃

הֲתִשְׁכַּח אִשָּׁה עוּלָהּ מֵרַחֵם בֶּן ־ בִּטְנָהּ גַּם ־ אֵלֶּה תִשְׁכַּחְנָה וְאָנֹכִי לֹא אֶשְׁכָּחֵֽךְ ׃

הֵן עַל ־ כַּפַּיִם חַקֹּתִיךְ חוֹמֹתַיִךְ נֶגְדִּי תָּמִֽיד ׃

שִׁיר הַֽמַּעֲלוֹת לְדָוִד הִנֵּה מַה ־ טּוֹב וּמַה ־ נָּעִים שֶׁבֶת אַחִים גַּם ־ יָֽחַד ׃