Filhos

1 שִׁיר הַֽמַּעֲלוֹת אַשְׁרֵי כָּל ־ יְרֵא יְהוָה הַהֹלֵךְ בִּדְרָכָֽיו ׃

2 יְגִיעַ כַּפֶּיךָ כִּי תֹאכֵל אַשְׁרֶיךָ וְטוֹב לָֽךְ ׃

3 אֶשְׁתְּךָ ׀ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶֽךָ ׃

4 הִנֵּה כִי ־ כֵן יְבֹרַךְ גָּבֶר יְרֵא יְהוָֽה ׃

Salmos 128:1-4

וְהָיוּ הַדְּבָרִים הָאֵלֶּה אֲשֶׁר אָנֹכִי מְצַוְּךָ הַיּוֹם עַל ־ לְבָבֶֽךָ ׃

וְשִׁנַּנְתָּם לְבָנֶיךָ וְדִבַּרְתָּ בָּם בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶךְ וּֽבְשָׁכְבְּךָ וּבְקוּמֶֽךָ ׃

Deuteronômio 6:6,7

וְיִֽתֶּן ־ לְךָ הָאֱלֹהִים מִטַּל הַשָּׁמַיִם וּמִשְׁמַנֵּי הָאָרֶץ וְרֹב דָּגָן וְתִירֹֽשׁ ׃

יַֽעַבְדוּךָ עַמִּים וישתחו לְךָ לְאֻמִּים הֱוֵה גְבִיר לְאַחֶיךָ וְיִשְׁתַּחֲוּוּ לְךָ בְּנֵי אִמֶּךָ אֹרְרֶיךָ אָרוּר וּֽמְבָרֲכֶיךָ בָּרֽוּךְ ׃

Gênesis 27:28,29

וַיְבָרֶךְ אֹתָם אֱלֹהִים וַיֹּאמֶר לָהֶם אֱלֹהִים פְּרוּ וּרְבוּ וּמִלְאוּ אֶת ־ הָאָרֶץ וְכִבְשֻׁהָ וּרְדוּ בִּדְגַת הַיָּם וּבְעוֹף הַשָּׁמַיִם וּבְכָל ־ חַיָּה הָֽרֹמֶשֶׂת עַל ־ הָאָֽרֶץ ׃

Gênesis 1:28

חוֹשֵׂךְ שִׁבְטוֹ שׂוֹנֵא בְנוֹ וְאֹהֲבוֹ שִֽׁחֲרוֹ מוּסָֽר ׃

Provérbios 13:24

חֲנֹךְ לַנַּעַר עַל ־ פִּי דַרְכּוֹ גַּם כִּֽי ־ יַזְקִין לֹֽא ־ יָסוּר מִמֶּֽנָּה ׃

Provérbios 22:6

אִוֶּלֶת קְשׁוּרָה בְלֶב ־ נָעַר שֵׁבֶט מוּסָר יַרְחִיקֶנָּה מִמֶּֽנּוּ ׃

Provérbios 22:15

נַעַר ׀ הָיִיתִי גַּם ־ זָקַנְתִּי וְֽלֹא ־ רָאִיתִי צַדִּיק נֶעֱזָב וְזַרְעוֹ מְבַקֶּשׁ ־ לָֽחֶם ׃

כָּל ־ הַיּוֹם חוֹנֵן וּמַלְוֶה וְזַרְעוֹ לִבְרָכָֽה ׃

Salmos 37:25,26

שִׁמְעוּ בָנִים מוּסַר אָב וְהַקְשִׁיבוּ לָדַעַת בִּינָֽה ׃

Provérbios 4:1

בָּרוּךְ פְּרִֽי ־ בִטְנְךָ וּפְרִי אַדְמָתְךָ וּפְרִי בְהֶמְתֶּךָ שְׁגַר אֲלָפֶיךָ וְעַשְׁתְּרוֹת צֹאנֶֽךָ ׃

Deuteronômio 28:4

3 הִנֵּה נַחֲלַת יְהוָה בָּנִים שָׂכָר פְּרִי הַבָּֽטֶן ׃

4 כְּחִצִּים בְּיַד ־ גִּבּוֹר כֵּן בְּנֵי הַנְּעוּרִֽים ׃

5 אַשְׁרֵי הַגֶּבֶר אֲשֶׁר מִלֵּא אֶת ־ אַשְׁפָּתוֹ מֵהֶם לֹֽא ־ יֵבֹשׁוּ כִּֽי ־ יְדַבְּרוּ אֶת ־ אוֹיְבִים בַּשָּֽׁעַר ׃

Salmos 127:3-5

24 יְבָרֶכְךָ יְהוָה וְיִשְׁמְרֶֽךָ ׃ ס

25 יָאֵר יְהוָה ׀ פָּנָיו אֵלֶיךָ וִֽיחֻנֶּֽךָּ ׃ ס

26 יִשָּׂא יְהוָה ׀ פָּנָיו אֵלֶיךָ וְיָשֵׂם לְךָ שָׁלֽוֹם ׃ ס

Números 6:24-26

כִּי אֶצָּק ־ מַיִם עַל ־ צָמֵא וְנֹזְלִים עַל ־ יַבָּשָׁה אֶצֹּק רוּחִי עַל ־ זַרְעֶךָ וּבִרְכָתִי עַל ־ צֶאֱצָאֶֽיךָ ׃

וְצָמְחוּ בְּבֵין חָצִיר כַּעֲרָבִים עַל ־ יִבְלֵי ־ מָֽיִם ׃

Isaías 44:3,4

מִתְהַלֵּךְ בְּתֻמּוֹ צַדִּיק אַשְׁרֵי בָנָיו אַחֲרָֽיו ׃

Provérbios 20:7

וְכָל ־ בָּנַיִךְ לִמּוּדֵי יְהוָה וְרַב שְׁלוֹם בָּנָֽיִךְ ׃

Isaías 54:13

וְהָיוּ לִי לְעָם וַאֲנִי אֶהְיֶה לָהֶם לֵאלֹהִֽים ׃

וְנָתַתִּי לָהֶם לֵב אֶחָד וְדֶרֶךְ אֶחָד לְיִרְאָה אוֹתִי כָּל ־ הַיָּמִים לְטוֹב לָהֶם וְלִבְנֵיהֶם אַחֲרֵיהֶֽם ׃

Jeremias 32:38,39

כְּרַחֵם אָב עַל ־ בָּנִים רִחַם יְהוָה עַל ־ יְרֵאָֽיו ׃

Salmos 103:13

עֲטֶרֶת זְקֵנִים בְּנֵי בָנִים וְתִפְאֶרֶת בָּנִים אֲבוֹתָֽם ׃

Provérbios 17:6

שֵׁבֶט וְתוֹכַחַת יִתֵּן חָכְמָה וְנַעַר מְשֻׁלָּח מֵבִישׁ אִמּֽוֹ ׃

Provérbios 29:15

וְטַפְּכֶם אֲשֶׁר אֲמַרְתֶּם לָבַז יִהְיֶה וּבְנֵיכֶם אֲשֶׁר לֹא ־ יָדְעוּ הַיּוֹם טוֹב וָרָע הֵמָּה יָבֹאוּ שָׁמָּה וְלָ/הֶם אֶתְּנֶנָּה וְהֵם יִירָשֽׁוּהָּ ׃

Deuteronômio 1:39

בְּטֶרֶם אצורך בַבֶּטֶן יְדַעְתִּיךָ וּבְטֶרֶם תֵּצֵא מֵרֶחֶם הִקְדַּשְׁתִּיךָ נָבִיא לַגּוֹיִם נְתַתִּֽיךָ ׃

Jeremias 1:5

13 כִּֽי ־ אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽי ׃

14 אֽוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹֽד ׃

15 לֹא ־ נִכְחַד עָצְמִי מִמֶּךָּ אֲשֶׁר ־ עֻשֵּׂיתִי בַסֵּתֶר רֻקַּמְתִּי בְּֽתַחְתִּיּוֹת אָֽרֶץ ׃

16 גָּלְמִי ׀ רָאוּ עֵינֶיךָ וְעַֽל ־ סִפְרְךָ כֻּלָּם יִכָּתֵבוּ יָמִים יֻצָּרוּ ולא אֶחָד בָּהֶֽם ׃

Salmos 139:13-16

כַּבֵּד אֶת ־ אָבִיךָ וְאֶת ־ אִמֶּךָ לְמַעַן יַאֲרִכוּן יָמֶיךָ עַל הָאֲדָמָה אֲשֶׁר ־ יְהוָה אֱלֹהֶיךָ נֹתֵן לָֽךְ ׃ ס

Êxodo 20:12

אֲשֶׁר בָּנֵינוּ ׀ כִּנְטִעִים מְגֻדָּלִים בִּֽנְעוּרֵיהֶם בְּנוֹתֵינוּ כְזָוִיֹּת מְחֻטָּבוֹת תַּבְנִית הֵיכָֽל ׃

Salmos 144:12

מִשְׁלֵי שְׁלֹמֹה פ בֵּן חָכָם יְשַׂמַּח ־ אָב וּבֵן כְּסִיל תּוּגַת אִמּֽוֹ ׃

Provérbios 10:1

כִּֽי ־ אַתָּה גֹחִי מִבָּטֶן מַבְטִיחִי עַל ־ שְׁדֵי אִמִּֽי ׃

Salmos 22:10

אַל ־ תִּמְנַע מִנַּעַר מוּסָר כִּֽי ־ תַכֶּנּוּ בַשֵּׁבֶט לֹא יָמֽוּת ׃

Provérbios 23:13

לֹא נְכַחֵד ׀ מִבְּנֵיהֶם לְדוֹר אַחֲרוֹן מְֽסַפְּרִים תְּהִלּוֹת יְהוָה וֶעֱזוּזוֹ וְנִפְלְאוֹתָיו אֲשֶׁר עָשָֽׂה ׃

Salmos 78:4

בָּרוּךְ תִּֽהְיֶה מִכָּל ־ הָעַמִּים לֹא ־ יִהְיֶה בְךָ עָקָר וַֽעֲקָרָה וּבִבְהֶמְתֶּֽךָ ׃

Deuteronômio 7:14

1 שִׁיר הַֽמַּעֲלוֹת אַשְׁרֵי כָּל ־ יְרֵא יְהוָה הַהֹלֵךְ בִּדְרָכָֽיו ׃

2 יְגִיעַ כַּפֶּיךָ כִּי תֹאכֵל אַשְׁרֶיךָ וְטוֹב לָֽךְ ׃

3 אֶשְׁתְּךָ ׀ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶֽךָ ׃

Salmos 128:1-3

גִּבּוֹר בָּאָרֶץ יִהְיֶה זַרְעוֹ דּוֹר יְשָׁרִים יְבֹרָֽךְ ׃

Salmos 112:2