וַאֲנִי ׀ אָשִׁיר עֻזֶּךָ וַאֲרַנֵּן לַבֹּקֶר חַסְדֶּךָ כִּֽי ־ הָיִיתָ מִשְׂגָּב לִי וּמָנוֹס בְּיוֹם צַר ־ לִֽי ׃ עֻזִּי אֵלֶיךָ אֲזַמֵּרָה כִּֽי ־ אֱלֹהִים מִשְׂגַּבִּי אֱלֹהֵי חַסְדִּֽי ׃

אַל ־ תִּירָא כִּי עִמְּךָ ־ אָנִי אַל ־ תִּשְׁתָּע כִּֽי ־ אֲנִי אֱלֹהֶיךָ אִמַּצְתִּיךָ אַף ־ עֲזַרְתִּיךָ אַף ־ תְּמַכְתִּיךָ בִּימִין צִדְקִֽי ׃

לְדָוִד ׀ יְהוָה ׀ אוֹרִי וְיִשְׁעִי מִמִּי אִירָא יְהוָה מָֽעוֹז ־ חַיַּי מִמִּי אֶפְחָֽד ׃

כָּלָה שְׁאֵרִי וּלְבָבִי צוּר ־ לְבָבִי וְחֶלְקִי אֱלֹהִים לְעוֹלָֽם ׃

זֹאת נֶחָמָתִי בְעָנְיִי כִּי אִמְרָתְךָ חִיָּֽתְנִי ׃

יְהוָה ׀ עֻזִּי וּמָגִנִּי בּוֹ בָטַח לִבִּי וְֽנֶעֱזָרְתִּי וַיַּעֲלֹז לִבִּי וּֽמִשִּׁירִי אֲהוֹדֶֽנּוּ ׃

כִּי יְהוָה אֱלֹֽהֵיכֶם הַהֹלֵךְ עִמָּכֶם לְהִלָּחֵם לָכֶם עִם ־ אֹיְבֵיכֶם לְהוֹשִׁיעַ אֶתְכֶֽם ׃

לְךָ יְהוָה הַגְּדֻלָּה וְהַגְּבוּרָה וְהַתִּפְאֶרֶת וְהַנֵּצַח וְהַהוֹד כִּי ־ כֹל בַּשָּׁמַיִם וּבָאָרֶץ לְךָ יְהוָה הַמַּמְלָכָה וְהַמִּתְנַשֵּׂא לְכֹל ׀ לְרֹֽאשׁ ׃

וְקוֹיֵ יְהוָה יַחֲלִיפוּ כֹחַ יַעֲלוּ אֵבֶר כַּנְּשָׁרִים יָרוּצוּ וְלֹא יִיגָעוּ יֵלְכוּ וְלֹא יִיעָֽפוּ ׃ פ

הֲלוֹא צִוִּיתִיךָ חֲזַק וֶאֱמָץ אַֽל ־ תַּעֲרֹץ וְאַל ־ תֵּחָת כִּי עִמְּךָ יְהוָה אֱלֹהֶיךָ בְּכֹל אֲשֶׁר תֵּלֵֽךְ ׃ פ

עִמּוֹ זְרוֹעַ בָּשָׂר וְעִמָּנוּ יְהוָה אֱלֹהֵינוּ לְעָזְרֵנוּ וּלְהִלָּחֵם מִלְחֲמֹתֵנוּ וַיִּסָּמְכוּ הָעָם עַל ־ דִּבְרֵי יְחִזְקִיָּהוּ מֶֽלֶךְ ־ יְהוּדָֽה ׃ פ

וְאַתֶּם חִזְקוּ וְאַל ־ יִרְפּוּ יְדֵיכֶם כִּי יֵשׁ שָׂכָר לִפְעֻלַּתְכֶֽם ׃ ס

אֲהָהּ אֲדֹנָי יְהוִה הִנֵּה ׀ אַתָּה עָשִׂיתָ אֶת ־ הַשָּׁמַיִם וְאֶת ־ הָאָרֶץ בְּכֹֽחֲךָ הַגָּדוֹל וּבִֽזְרֹעֲךָ הַנְּטוּיָה לֹֽא ־ יִפָּלֵא מִמְּךָ כָּל ־ דָּבָֽר ׃

לָשׂוּם ׀ לַאֲבֵלֵי צִיּוֹן לָתֵת לָהֶם פְּאֵר תַּחַת אֵפֶר שֶׁמֶן שָׂשׂוֹן תַּחַת אֵבֶל מַעֲטֵה תְהִלָּה תַּחַת רוּחַ כֵּהָה וְקֹרָא לָהֶם אֵילֵי הַצֶּדֶק מַטַּע יְהוָה לְהִתְפָּאֵֽר ׃

בְּרֹב שַׂרְעַפַּי בְּקִרְבִּי תַּנְחוּמֶיךָ יְֽשַׁעַשְׁעוּ נַפְשִֽׁי ׃

עַתָּה יָדַעְתִּי כִּי הוֹשִׁיעַ ׀ יְהוָה מְשִׁיחוֹ יַעֲנֵהוּ מִשְּׁמֵי קָדְשׁוֹ בִּגְבֻרוֹת יֵשַׁע יְמִינֽוֹ ׃

יְהוִה אֲדֹנָי חֵילִי וַיָּשֶׂם רַגְלַי כָּֽאַיָּלוֹת וְעַל בָּמוֹתַי יַדְרִכֵנִי לַמְנַצֵּחַ בִּנְגִינוֹתָֽי ׃

חִזְקוּ וְאִמְצוּ אַל ־ תִּֽירְאוּ וְאַל ־ תַּעַרְצוּ מִפְּנֵיהֶם כִּי ׀ יְהוָה אֱלֹהֶיךָ הוּא הַהֹלֵךְ עִמָּךְ לֹא יַרְפְּךָ וְלֹא יַעַזְבֶֽךָּ ׃ פ

יְהוָה ׀ עֻזִּי וּמָגִנִּי בּוֹ בָטַח לִבִּי וְֽנֶעֱזָרְתִּי וַיַּעֲלֹז לִבִּי וּֽמִשִּׁירִי אֲהוֹדֶֽנּוּ ׃

יְהוָה עֹֽז ־ לָמוֹ וּמָעוֹז יְשׁוּעוֹת מְשִׁיחוֹ הֽוּא ׃

נֹתֵן לַיָּעֵף כֹּחַ וּלְאֵין אוֹנִים עָצְמָה יַרְבֶּֽה ׃

מֵיְהוָה מִֽצְעֲדֵי ־ גֶבֶר כּוֹנָנוּ וְדַרְכּוֹ יֶחְפָּֽץ ׃

כִּֽי ־ יִפֹּל לֹֽא ־ יוּטָל כִּֽי ־ יְהוָה סוֹמֵךְ יָדֽוֹ ׃

הָאֵל תָּמִים דַּרְכּוֹ אִמְרַֽת ־ יְהוָה צְרוּפָה מָגֵן הוּא לְכֹל ׀ הַחֹסִים בּֽוֹ ׃

וַתֵּצֶר לְדָוִד מְאֹד כִּֽי ־ אָמְרוּ הָעָם לְסָקְלוֹ כִּֽי ־ מָרָה נֶפֶשׁ כָּל ־ הָעָם אִישׁ עַל ־ בנו וְעַל ־ בְּנֹתָיו וַיִּתְחַזֵּק דָּוִד בַּיהוָה אֱלֹהָֽיו ׃ ס

יְהוָה אֲדֹנֵינוּ מָֽה ־ אַדִּיר שִׁמְךָ בְּכָל ־ הָאָרֶץ אֲשֶׁר תְּנָה הוֹדְךָ עַל ־ הַשָּׁמָֽיִם ׃

לׅוּלֵׅאׅ הֶאֱמַנְתִּי לִרְאוֹת בְּֽטוּב ־ יְהוָה בְּאֶרֶץ חַיִּֽים ׃

קַוֵּה אֶל ־ יְהוָה חֲזַק וְיַאֲמֵץ לִבֶּךָ וְקַוֵּה אֶל ־ יְהוָֽה ׃

עָזִּי וְזִמְרָת יָהּ וַֽיְהִי ־ לִי לִֽישׁוּעָֽה ׃

לַמְנַצֵּחַ ׀ לְעֶבֶד יְהוָה לְדָוִד אֲשֶׁר דִּבֶּר ׀ לַיהוָה אֶת ־ דִּבְרֵי הַשִּׁירָה הַזֹּאת בְּיוֹם הִֽצִּיל ־ יְהוָה אוֹתוֹ מִכַּף כָּל ־ אֹיְבָיו וּמִיַּד שָׁאֽוּל ׃

וַיֹּאמַר אֶרְחָמְךָ יְהוָה חִזְקִֽי ׃

³¹ כִּי לֹא יִזְנַח לְעוֹלָם אֲדֹנָֽי ׃

³² כִּי אִם ־ הוֹגָה וְרִחַם כְּרֹב חסדו ׃

³³ כִּי לֹא עִנָּה מִלִּבּוֹ וַיַּגֶּה בְנֵי ־ אִֽישׁ ׃ ס

דִּרְשׁוּ יְהוָה וְעֻזּוֹ בַּקְּשׁוּ פָנָיו תָּמִֽיד ׃

תְּמוֹתֵת רָשָׁע רָעָה וְשֹׂנְאֵי צַדִּיק יֶאְשָֽׁמוּ ׃ פּוֹדֶה יְהוָה נֶפֶשׁ עֲבָדָיו וְלֹא יֶאְשְׁמוּ כָּֽל ־ הַחֹסִים בּֽוֹ ׃

אִם ־ אֵלֵךְ ׀ בְּקֶרֶב צָרָה תְּחַיֵּנִי עַל אַף אֹיְבַי תִּשְׁלַח יָדֶךָ וְתוֹשִׁיעֵנִי יְמִינֶֽךָ ׃

אַתָּה ׀ יָדְךָ גּוֹיִם הוֹרַשְׁתָּ וַתִּטָּעֵם תָּרַע לְאֻמִּים וַֽתְּשַׁלְּחֵֽם ׃

וַיֹּאמֶר דָּוִיד לִשְׁלֹמֹה בְנוֹ חֲזַק וֶאֱמַץ וַעֲשֵׂה אַל ־ תִּירָא וְאַל ־ תֵּחָת כִּי יְהוָה אֱלֹהִים אֱלֹהַי עִמָּךְ לֹא יַרְפְּךָ וְלֹא יַֽעַזְבֶךָּ עַד ־ לִכְלוֹת כָּל ־ מְלֶאכֶת עֲבוֹדַת בֵּית ־ יְהוָֽה ׃

הֵמָּה ינועון לֶאֱכֹל אִם ־ לֹא יִשְׂבְּעוּ וַיָּלִֽינוּ ׃

כִּֽי ־ אַתָּה תָּאִיר נֵרִי יְהוָה אֱלֹהַי יַגִּיהַּ חָשְׁכִּֽי ׃

קַוֵּה אֶל ־ יְהוָה חֲזַק וְיַאֲמֵץ לִבֶּךָ וְקַוֵּה אֶל ־ יְהוָֽה ׃

וּתְשׁוּעַת צַדִּיקִים מֵיְהוָה מָֽעוּזָּם בְּעֵת צָרָֽה ׃

אֲשֶׁר הראיתנו ׀ צָרוֹת רַבּוֹת וְרָעוֹת תָּשׁוּב תחיינו וּֽמִתְּהֹמוֹת הָאָרֶץ תָּשׁוּב תַּעֲלֵֽנִי ׃

תֶּרֶב ׀ גְּֽדֻלָּתִי וְתִסֹּב תְּֽנַחֲמֵֽנִי ׃

אַשְׁרֵי יוֹשְׁבֵי בֵיתֶךָ עוֹד יְֽהַלְלוּךָ סֶּֽלָה ׃

עֹבְרֵי ׀ בְּעֵמֶק הַבָּכָא מַעְיָן יְשִׁיתוּהוּ גַּם ־ בְּרָכוֹת יַעְטֶה מוֹרֶֽה ׃

הָעֲנִיִּים וְהָאֶבְיוֹנִים מְבַקְשִׁים מַיִם וָאַיִן לְשׁוֹנָם בַּצָּמָא נָשָׁתָּה אֲנִי יְהוָה אֶעֱנֵם אֱלֹהֵי יִשְׂרָאֵל לֹא אֶעֶזְבֵֽם ׃

לָכֵן כֹּֽה ־ אָמַר יְהוָה אֱלֹהֵי צְבָאוֹת יַעַן דַּבֶּרְכֶם אֶת ־ הַדָּבָר הַזֶּה הִנְנִי נֹתֵן דְּבָרַי בְּפִיךָ לְאֵשׁ וְהָעָם הַזֶּה עֵצִים וַאֲכָלָֽתַם ׃

צָעֲקוּ וַיהוָה שָׁמֵעַ וּמִכָּל ־ צָרוֹתָם הִצִּילָֽם ׃

אֶשְׁפֹּךְ לְפָנָיו שִׂיחִי צָרָתִי לְפָנָיו אַגִּֽיד ׃

אֱ‍ֽלֹהִים לִמַּדְתַּנִי מִנְּעוּרָי וְעַד ־ הֵנָּה אַגִּיד נִפְלְאוֹתֶֽיךָ ׃

וְגַם עַד ־ זִקְנָה ׀ וְשֵׂיבָה אֱלֹהִים אַֽל ־ תַּעַזְבֵנִי עַד ־ אַגִּיד זְרוֹעֲךָ לְדוֹר לְכָל ־ יָבוֹא גְּבוּרָתֶֽךָ ׃

דָּלְפָה נַפְשִׁי מִתּוּגָה קַיְּמֵנִי כִּדְבָרֶֽךָ ׃

וַיֹּאמֶר לָהֶם לְכוּ אִכְלוּ מַשְׁמַנִּים וּשְׁתוּ מַֽמְתַקִּים וְשִׁלְחוּ מָנוֹת לְאֵין נָכוֹן לוֹ כִּֽי ־ קָדוֹשׁ הַיּוֹם לַאֲדֹנֵינוּ וְאַל ־ תֵּעָצֵבוּ כִּֽי ־ חֶדְוַת יְהוָה הִיא מָֽעֻזְּכֶֽם ׃

לַמְנַצֵּחַ מִזְמוֹר לְדָוִֽד ׃

וְגִבַּרְתִּים בַּֽיהוָה וּבִשְׁמוֹ יִתְהַלָּכוּ נְאֻם יְהוָֽה ׃ ס

כִּֽי ־ הָיִיתָ מָעוֹז לַדָּל מָעוֹז לָאֶבְיוֹן בַּצַּר ־ לוֹ מַחְסֶה מִזֶּרֶם צֵל מֵחֹרֶב כִּי רוּחַ עָרִיצִים כְּזֶרֶם קִֽיר ׃

וַיַּעַן וַיֹּאמֶר אֵלַי לֵאמֹר זֶה דְּבַר ־ יְהוָה אֶל ־ זְרֻבָּבֶל לֵאמֹר לֹא בְחַיִל וְלֹא בְכֹחַ כִּי אִם ־ בְּרוּחִי אָמַר יְהוָה צְבָאֽוֹת ׃

אֶֽהֱבוּ אֶת ־ יְהוָה כָּֽל ־ חֲסִידָיו אֱמוּנִים נֹצֵר יְהוָה וּמְשַׁלֵּם עַל ־ יֶתֶר עֹשֵׂה גַאֲוָֽה ׃ חִזְקוּ וְיַאֲמֵץ לְבַבְכֶם כָּל ־ הַמְיַחֲלִים לַיהוָֽה ׃