אַל ־ תִּיגַע לְֽהַעֲשִׁיר מִֽבִּינָתְךָ חֲדָֽל ׃

הַט ־ לִבִּי אֶל ־ עֵדְוֺתֶיךָ וְאַל אֶל ־ בָּֽצַע ׃

כָּל ־ הַיּוֹם הִתְאַוָּה תַאֲוָה וְצַדִּיק יִתֵּן וְלֹא יַחְשֹֽׂךְ ׃

וְגַם ־ זֹה רָעָה חוֹלָה כָּל ־ עֻמַּת שֶׁבָּא כֵּן יֵלֵךְ וּמַה ־ יִּתְרוֹן לוֹ שֶֽׁיַּעֲמֹל לָרֽוּחַ ׃

בִּרְבוֹת הַטּוֹבָה רַבּוּ אוֹכְלֶיהָ וּמַה ־ כִּשְׁרוֹן לִבְעָלֶיהָ כִּי אִם ־ ראית עֵינָֽיו ׃

הוֹן מֵהֶבֶל יִמְעָט וְקֹבֵץ עַל ־ יָד יַרְבֶּֽה ׃