Ídolos

וְיָדַעְתָּ הַיּוֹם וַהֲשֵׁבֹתָ אֶל ־ לְבָבֶךָ כִּי יְהוָה הוּא הָֽאֱלֹהִים בַּשָּׁמַיִם מִמַּעַל וְעַל ־ הָאָרֶץ מִתָּחַת אֵין עֽוֹד ׃

Deuteronômio 4:39

לֹא תִשְׁמַע אֶל ־ דִּבְרֵי הַנָּבִיא הַהוּא אוֹ אֶל ־ חוֹלֵם הַחֲלוֹם הַהוּא כִּי מְנַסֶּה יְהוָה אֱלֹֽהֵיכֶם אֶתְכֶם לָדַעַת הֲיִשְׁכֶם אֹֽהֲבִים אֶת ־ יְהוָה אֱלֹהֵיכֶם בְּכָל ־ לְבַבְכֶם וּבְכָל ־ נַפְשְׁכֶֽם ׃

Deuteronômio 13:4

וְאָנֹכִי יְהוָה אֱלֹהֶיךָ מֵאֶרֶץ מִצְרָיִם וֵאלֹהִים זֽוּלָתִי לֹא תֵדָע וּמוֹשִׁיעַ אַיִן בִּלְתִּֽי ׃

Oséias 13:4

כָּל ־ כְּלִי יוּצַר עָלַיִךְ לֹא יִצְלָח וְכָל ־ לָשׁוֹן תָּֽקוּם ־ אִתָּךְ לַמִּשְׁפָּט תַּרְשִׁיעִי זֹאת נַחֲלַת עַבְדֵי יְהוָה וְצִדְקָתָם מֵאִתִּי נְאֻם ־ יְהוָֽה ׃ ס

Isaías 54:17

לֹא תַעֲשׂוּן אִתִּי אֱלֹהֵי כֶסֶף וֵאלֹהֵי זָהָב לֹא תַעֲשׂוּ לָכֶֽם ׃

Êxodo 20:23

וְאִם רַע בְּֽעֵינֵיכֶם לַעֲבֹד אֶת ־ יְהוָה בַּחֲרוּ לָכֶם הַיּוֹם אֶת ־ מִי תַעֲבֹדוּן אִם אֶת ־ אֱלֹהִים אֲשֶׁר ־ עָבְדוּ אֲבוֹתֵיכֶם אֲשֶׁר בעבר הַנָּהָר וְאִם אֶת ־ אֱלֹהֵי הָאֱמֹרִי אֲשֶׁר אַתֶּם יֹשְׁבִים בְּאַרְצָם וְאָנֹכִי וּבֵיתִי נַעֲבֹד אֶת ־ יְהוָֽה ׃ פ

Josué 24:15

נְצֹר לְשׁוֹנְךָ מֵרָע וּשְׂפָתֶיךָ מִדַּבֵּר מִרְמָֽה ׃

Salmos 34:14