Jovens

1 מִשְׁלֵי שְׁלֹמֹה בֶן ־ דָּוִד מֶלֶךְ יִשְׂרָאֵֽל ׃

2 לָדַעַת חָכְמָה וּמוּסָר לְהָבִין אִמְרֵי בִינָֽה ׃

3 לָקַחַת מוּסַר הַשְׂכֵּל צֶדֶק וּמִשְׁפָּט וּמֵישָׁרִֽים ׃

4 לָתֵת לִפְתָאיִם עָרְמָה לְנַעַר דַּעַת וּמְזִמָּֽה ׃

Provérbios 1:1-4

גַּם בְּמַעֲלָלָיו יִתְנַכֶּר ־ נָעַר אִם ־ זַךְ וְאִם ־ יָשָׁר פָּעֳלֽוֹ ׃

Provérbios 20:11

כִּֽי ־ אַתָּה תִקְוָתִי אֲדֹנָי יְהוִה מִבְטַחִי מִנְּעוּרָֽי ׃

Salmos 71:5

וְיִֽעֲפוּ נְעָרִים וְיִגָעוּ וּבַחוּרִים כָּשׁוֹל יִכָּשֵֽׁלוּ ׃

וְקוֹיֵ יְהוָה יַחֲלִיפוּ כֹחַ יַעֲלוּ אֵבֶר כַּנְּשָׁרִים יָרוּצוּ וְלֹא יִיגָעוּ יֵלְכוּ וְלֹא יִיעָֽפוּ ׃ פ

Isaías 40:30,31

7 רַק חֲזַק וֶֽאֱמַץ מְאֹד לִשְׁמֹר לַעֲשׂוֹת כְּכָל ־ הַתּוֹרָה אֲשֶׁר צִוְּךָ מֹשֶׁה עַבְדִּי אַל ־ תָּסוּר מִמֶּנּוּ יָמִין וּשְׂמֹאול לְמַעַן תַּשְׂכִּיל בְּכֹל אֲשֶׁר תֵּלֵֽךְ ׃

8 לֹֽא ־ יָמוּשׁ סֵפֶר הַתּוֹרָה הַזֶּה מִפִּיךָ וְהָגִיתָ בּוֹ יוֹמָם וָלַיְלָה לְמַעַן תִּשְׁמֹר לַעֲשׂוֹת כְּכָל ־ הַכָּתוּב בּוֹ כִּי ־ אָז תַּצְלִיחַ אֶת ־ דְּרָכֶךָ וְאָז תַּשְׂכִּֽיל ׃

9 הֲלוֹא צִוִּיתִיךָ חֲזַק וֶאֱמָץ אַֽל ־ תַּעֲרֹץ וְאַל ־ תֵּחָת כִּי עִמְּךָ יְהוָה אֱלֹהֶיךָ בְּכֹל אֲשֶׁר תֵּלֵֽךְ ׃ פ

Josué 1:7-9

וְהָסֵר כַּעַס מִלִּבֶּךָ וְהַעֲבֵר רָעָה מִבְּשָׂרֶךָ כִּֽי ־ הַיַּלְדוּת וְהַֽשַּׁחֲרוּת הָֽבֶל ׃

Eclesiastes 11:10

בְּלִבִּי צָפַנְתִּי אִמְרָתֶךָ לְמַעַן לֹא אֶֽחֱטָא ־ לָֽךְ ׃

Salmos 119:11

בַּחוּרִים וְגַם ־ בְּתוּלוֹת זְקֵנִים עִם ־ נְעָרִֽים ׃

יְהַלְלוּ ׀ אֶת ־ שֵׁם יְהוָה כִּֽי ־ נִשְׂגָּב שְׁמוֹ לְבַדּוֹ הוֹדוֹ עַל ־ אֶרֶץ וְשָׁמָֽיִם ׃

Salmos 148:12,13

בַּמֶּה יְזַכֶּה ־ נַּעַר אֶת ־ אָרְחוֹ לִשְׁמֹר כִּדְבָרֶֽךָ ׃

Salmos 119:9

17 וְהַיְלָדִים הָאֵלֶּה אַרְבַּעְתָּם נָתַן לָהֶם הָֽאֱלֹהִים מַדָּע וְהַשְׂכֵּל בְּכָל ־ סֵפֶר וְחָכְמָה וְדָנִיֵּאל הֵבִין בְּכָל ־ חָזוֹן וַחֲלֹמֽוֹת ׃

18 וּלְמִקְצָת הַיָּמִים אֲשֶׁר ־ אָמַר הַמֶּלֶךְ לַהֲבִיאָם וַיְבִיאֵם שַׂר הַסָּרִיסִים לִפְנֵי נְבֻכַדְנֶצַּֽר ׃

19 וַיְדַבֵּר אִתָּם הַמֶּלֶךְ וְלֹא נִמְצָא מִכֻּלָּם כְּדָנִיֵּאל חֲנַנְיָה מִֽישָׁאֵל וַעֲזַרְיָה וַיַּֽעַמְדוּ לִפְנֵי הַמֶּֽלֶךְ ׃

Daniel 1:17-19

טוֹב יֶלֶד מִסְכֵּן וְחָכָם מִמֶּלֶךְ זָקֵן וּכְסִיל אֲשֶׁר לֹא ־ יָדַע לְהִזָּהֵר עֽוֹד ׃

Eclesiastes 4:13

וּזְכֹר אֶת ־ בּוֹרְאֶיךָ בִּימֵי בְּחוּרֹתֶיךָ עַד אֲשֶׁר לֹא ־ יָבֹאוּ יְמֵי הָֽרָעָה וְהִגִּיעוּ שָׁנִים אֲשֶׁר תֹּאמַר אֵֽין ־ לִי בָהֶם חֵֽפֶץ ׃

Eclesiastes 12:1

1 וּזְכֹר אֶת ־ בּוֹרְאֶיךָ בִּימֵי בְּחוּרֹתֶיךָ עַד אֲשֶׁר לֹא ־ יָבֹאוּ יְמֵי הָֽרָעָה וְהִגִּיעוּ שָׁנִים אֲשֶׁר תֹּאמַר אֵֽין ־ לִי בָהֶם חֵֽפֶץ ׃

2 עַד אֲשֶׁר לֹֽא ־ תֶחְשַׁךְ הַשֶּׁמֶשׁ וְהָאוֹר וְהַיָּרֵחַ וְהַכּוֹכָבִים וְשָׁבוּ הֶעָבִים אַחַר הַגָּֽשֶׁם ׃

3 בַּיּוֹם שֶׁיָּזֻעוּ שֹׁמְרֵי הַבַּיִת וְהִֽתְעַוְּתוּ אַנְשֵׁי הֶחָיִל וּבָטְלוּ הַטֹּֽחֲנוֹת כִּי מִעֵטוּ וְחָשְׁכוּ הָרֹאוֹת בָּאֲרֻבּֽוֹת ׃

Eclesiastes 12:1-3

19 שְׁמַע ־ אַתָּה בְנִי וַחֲכָם וְאַשֵּׁר בַּדֶּרֶךְ לִבֶּֽךָ ׃

20 אַל ־ תְּהִי בְסֹֽבְאֵי ־ יָיִן בְּזֹלֲלֵי בָשָׂר לָֽמוֹ ׃

21 כִּי ־ סֹבֵא וְזוֹלֵל יִוָּרֵשׁ וּקְרָעִים תַּלְבִּישׁ נוּמָֽה ׃

22 שְׁמַע לְאָבִיךָ זֶה יְלָדֶךָ וְאַל ־ תָּבוּז כִּֽי ־ זָקְנָה אִמֶּֽךָ ׃

Provérbios 23:19-22

Joel 2:28,29

שְׂמַח בָּחוּר בְּיַלְדוּתֶיךָ וִֽיטִֽיבְךָ לִבְּךָ בִּימֵי בְחוּרוֹתֶךָ וְהַלֵּךְ בְּדַרְכֵי לִבְּךָ וּבְמַרְאֵי עֵינֶיךָ וְדָע כִּי עַל ־ כָּל ־ אֵלֶּה יְבִֽיאֲךָ הָאֱלֹהִים בַּמִּשְׁפָּֽט ׃

Eclesiastes 11:9

תִּפְאֶרֶת בַּחוּרִים כֹּחָם וַהֲדַר זְקֵנִים שֵׂיבָֽה ׃

Provérbios 20:29

טוֹב לַגֶּבֶר כִּֽי ־ יִשָּׂא עֹל בִּנְעוּרָֽיו ׃ ס

Lamentações 3:27

6 וָאֹמַר אֲהָהּ אֲדֹנָי יְהֹוִה הִנֵּה לֹא ־ יָדַעְתִּי דַּבֵּר כִּי ־ נַעַר אָנֹֽכִי ׃ פ

7 וַיֹּאמֶר יְהוָה אֵלַי אַל ־ תֹּאמַר נַעַר אָנֹכִי כִּי עַֽל ־ כָּל ־ אֲשֶׁר אֶֽשְׁלָחֲךָ תֵּלֵךְ וְאֵת כָּל ־ אֲשֶׁר אֲצַוְּךָ תְּדַבֵּֽר ׃

8 אַל ־ תִּירָא מִפְּנֵיהֶם כִּֽי ־ אִתְּךָ אֲנִי לְהַצִּלֶךָ נְאֻם ־ יְהוָֽה ׃

Jeremias 1:6-8

11 כִּי אָנֹכִי יָדַעְתִּי אֶת ־ הַמַּחֲשָׁבֹת אֲשֶׁר אָנֹכִי חֹשֵׁב עֲלֵיכֶם נְאֻם ־ יְהוָה מַחְשְׁבוֹת שָׁלוֹם וְלֹא לְרָעָה לָתֵת לָכֶם אַחֲרִית וְתִקְוָֽה ׃

12 וּקְרָאתֶם אֹתִי וַֽהֲלַכְתֶּם וְהִתְפַּלַּלְתֶּם אֵלָי וְשָׁמַעְתִּי אֲלֵיכֶֽם ׃

13 וּבִקַּשְׁתֶּם אֹתִי וּמְצָאתֶם כִּי תִדְרְשֻׁנִי בְּכָל ־ לְבַבְכֶֽם ׃

14 וְנִמְצֵאתִי לָכֶם נְאֻם ־ יְהוָה וְשַׁבְתִּי אֶת ־ שביתכם וְקִבַּצְתִּי אֶתְכֶם מִֽכָּל ־ הַגּוֹיִם וּמִכָּל ־ הַמְּקוֹמוֹת אֲשֶׁר הִדַּחְתִּי אֶתְכֶם שָׁם נְאֻם ־ יְהוָה וַהֲשִׁבֹתִי אֶתְכֶם אֶל ־ הַמָּקוֹם אֲשֶׁר ־ הִגְלֵיתִי אֶתְכֶם מִשָּֽׁם ׃

Jeremias 29:11-14