⁹ טוֹבִים הַשְּׁנַיִם מִן ־ הָאֶחָד אֲשֶׁר יֵשׁ ־ לָהֶם שָׂכָר טוֹב בַּעֲמָלָֽם ׃

¹⁰ כִּי אִם ־ יִפֹּלוּ הָאֶחָד יָקִים אֶת ־ חֲבֵרוֹ וְאִילוֹ הָֽאֶחָד שֶׁיִּפּוֹל וְאֵין שֵׁנִי לַהֲקִימֽוֹ ׃

¹¹ גַּם אִם ־ יִשְׁכְּבוּ שְׁנַיִם וְחַם לָהֶם וּלְאֶחָד אֵיךְ יֵחָֽם ׃

¹² וְאִֽם ־ יִתְקְפוֹ הָאֶחָד הַשְּׁנַיִם יַעַמְדוּ נֶגְדּוֹ וְהַחוּט הַֽמְשֻׁלָּשׁ לֹא בִמְהֵרָה יִנָּתֵֽק ׃

אֵֽשֶׁת ־ חַיִל עֲטֶרֶת בַּעְלָהּ וּכְרָקָב בְּעַצְמוֹתָיו מְבִישָֽׁה ׃

וַיִּבְרָא אֱלֹהִים ׀ אֶת ־ הָֽאָדָם בְּצַלְמוֹ בְּצֶלֶם אֱלֹהִים בָּרָא אֹתוֹ זָכָר וּנְקֵבָה בָּרָא אֹתָֽם ׃

עַל ־ כֵּן יַֽעֲזָב ־ אִישׁ אֶת ־ אָבִיו וְאֶת ־ אִמּוֹ וְדָבַק בְּאִשְׁתּוֹ וְהָיוּ לְבָשָׂר אֶחָֽד ׃

וַיֹּאמֶר יְהוָה אֱלֹהִים לֹא ־ טוֹב הֱיוֹת הָֽאָדָם לְבַדּוֹ אֶֽעֱשֶׂהּ ־ לּוֹ עֵזֶר כְּנֶגְדּֽוֹ ׃

בַּיִת וָהוֹן נַחֲלַת אָבוֹת וּמֵיְהוָה אִשָּׁה מַשְׂכָּֽלֶת ׃

כִּֽי ־ יִקַּח אִישׁ אִשָּׁה חֲדָשָׁה לֹא יֵצֵא בַּצָּבָא וְלֹא ־ יַעֲבֹר עָלָיו לְכָל ־ דָּבָר נָקִי יִהְיֶה לְבֵיתוֹ שָׁנָה אֶחָת וְשִׂמַּח אֶת ־ אִשְׁתּוֹ אֲשֶׁר ־ לָקָֽח ׃ ס

אֵֽשֶׁת ־ חַיִל מִי יִמְצָא וְרָחֹק מִפְּנִינִים מִכְרָֽהּ ׃

בָּטַח בָּהּ לֵב בַּעְלָהּ וְשָׁלָל לֹא יֶחְסָֽר ׃

וְלֹא ־ אֶחָד עָשָׂה וּשְׁאָר רוּחַ לוֹ וּמָה הָֽאֶחָד מְבַקֵּשׁ זֶרַע אֱלֹהִים וְנִשְׁמַרְתֶּם בְּרוּחֲכֶם וּבְאֵשֶׁת נְעוּרֶיךָ אַל ־ יִבְגֹּֽד ׃

יְהִֽי ־ מְקוֹרְךָ בָרוּךְ וּשְׂמַח מֵאֵשֶׁת נְעוּרֶֽךָ ׃

אַיֶּלֶת אֲהָבִים וְֽיַעֲלַת ־ חֵן דַּדֶּיהָ יְרַוֻּךָ בְכָל ־ עֵת בְּאַהֲבָתָהּ תִּשְׁגֶּה תָמִֽיד ׃

מָצָא אִשָּׁה מָצָא טוֹב וַיָּפֶק רָצוֹן מֵיְהוָֽה ׃