כִּֽי ־ אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽי ׃

אֽוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹֽד ׃

וַיֵּט מֹשֶׁה אֶת ־ יָדוֹ עַל ־ הַיָּם וַיּוֹלֶךְ יְהוָה ׀ אֶת ־ הַיָּם בְּרוּחַ קָדִים עַזָּה כָּל ־ הַלַּיְלָה וַיָּשֶׂם אֶת ־ הַיָּם לֶחָרָבָה וַיִּבָּקְעוּ הַמָּֽיִם ׃

וַיָּבֹאוּ בְנֵֽי ־ יִשְׂרָאֵל בְּתוֹךְ הַיָּם בַּיַּבָּשָׁה וְהַמַּיִם לָהֶם חֹמָה מִֽימִינָם וּמִשְּׂמֹאלָֽם ׃

לָכֵן יִתֵּן אֲדֹנָי הוּא לָכֶם אוֹת הִנֵּה הָעַלְמָה הָרָה וְיֹלֶדֶת בֵּן וְקָרָאת שְׁמוֹ עִמָּנוּ אֵֽל ׃

וָאֹמַר חַלּוֹתִי הִיא שְׁנוֹת יְמִין עֶלְיֽוֹן ׃

אזכיר מַֽעַלְלֵי ־ יָהּ כִּֽי ־ אֶזְכְּרָה מִקֶּדֶם פִּלְאֶֽךָ ׃

הִנֵּה אֲנִי יְהוָה אֱלֹהֵי כָּל ־ בָּשָׂר הֲ‍ֽמִמֶּנִּי יִפָּלֵא כָּל ־ דָּבָֽר ׃

וַיֹּאמֶר יְהוָה אֶל ־ מֹשֶׁה בֹּא אֶל ־ פַּרְעֹה כִּֽי ־ אֲנִי הִכְבַּדְתִּי אֶת ־ לִבּוֹ וְאֶת ־ לֵב עֲבָדָיו לְמַעַן שִׁתִי אֹתֹתַי אֵלֶּה בְּקִרְבּֽוֹ ׃

וּלְמַעַן תְּסַפֵּר בְּאָזְנֵי בִנְךָ וּבֶן ־ בִּנְךָ אֵת אֲשֶׁר הִתְעַלַּלְתִּי בְּמִצְרַיִם וְאֶת ־ אֹתֹתַי אֲשֶׁר ־ שַׂמְתִּי בָם וִֽידַעְתֶּם כִּי ־ אֲנִי יְהוָֽה ׃

אֱלֹהִים בַּקֹּדֶשׁ דַּרְכֶּךָ מִי ־ אֵל גָּדוֹל כֵּֽאלֹהִֽים ׃

¹ אֵת כָּל ־ הַדָּבָר אֲשֶׁר אָנֹכִי מְצַוֶּה אֶתְכֶם אֹתוֹ תִשְׁמְרוּ לַעֲשׂוֹת לֹא ־ תֹסֵף עָלָיו וְלֹא תִגְרַע מִמֶּֽנּוּ ׃ פ

² כִּֽי ־ יָקוּם בְּקִרְבְּךָ נָבִיא אוֹ חֹלֵם חֲלוֹם וְנָתַן אֵלֶיךָ אוֹת אוֹ מוֹפֵֽת ׃

³ וּבָא הָאוֹת וְהַמּוֹפֵת אֲשֶׁר ־ דִּבֶּר אֵלֶיךָ לֵאמֹר נֵֽלְכָה אַחֲרֵי אֱלֹהִים אֲחֵרִים אֲשֶׁר לֹֽא ־ יְדַעְתָּם וְנָֽעָבְדֵֽם ׃

⁴ לֹא תִשְׁמַע אֶל ־ דִּבְרֵי הַנָּבִיא הַהוּא אוֹ אֶל ־ חוֹלֵם הַחֲלוֹם הַהוּא כִּי מְנַסֶּה יְהוָה אֱלֹֽהֵיכֶם אֶתְכֶם לָדַעַת הֲיִשְׁכֶם אֹֽהֲבִים אֶת ־ יְהוָה אֱלֹהֵיכֶם בְּכָל ־ לְבַבְכֶם וּבְכָל ־ נַפְשְׁכֶֽם ׃

לַמְנַצֵּחַ עַלְמוּת לַבֵּן מִזְמוֹר לְדָוִֽד ׃