גַּם כִּֽי ־ אֵלֵךְ בְּגֵיא צַלְמָוֶת לֹא ־ אִירָא רָע כִּי ־ אַתָּה עִמָּדִי שִׁבְטְךָ וּמִשְׁעַנְתֶּךָ הֵמָּה יְנַֽחֲמֻֽנִי ׃

וְהִנֵּה אָנֹכִי הוֹלֵךְ הַיּוֹם בְּדֶרֶךְ כָּל ־ הָאָרֶץ וִידַעְתֶּם בְּכָל ־ לְבַבְכֶם וּבְכָל ־ נַפְשְׁכֶם כִּי לֹֽא ־ נָפַל דָּבָר אֶחָד מִכֹּל ׀ הַדְּבָרִים הַטּוֹבִים אֲשֶׁר דִּבֶּר יְהוָה אֱלֹהֵיכֶם עֲלֵיכֶם הַכֹּל בָּאוּ לָכֶם לֹֽא ־ נָפַל מִמֶּנּוּ דָּבָר אֶחָֽד ׃

כִּי לֹא אֶחְפֹּץ בְּמוֹת הַמֵּת נְאֻם אֲדֹנָי יְהוִה וְהָשִׁיבוּ וִֽחְיֽוּ ׃ פ

זְכָר ־ אֲנִי מֶה ־ חָלֶד עַל ־ מַה ־ שָּׁוְא בָּרָאתָ כָל ־ בְּנֵי ־ אָדָֽם ׃

אָנָה אֵלֵךְ מֵרוּחֶךָ וְאָנָה מִפָּנֶיךָ אֶבְרָֽח ׃

אִם ־ אֶסַּק שָׁמַיִם שָׁם אָתָּה וְאַצִּיעָה שְּׁאוֹל הִנֶּֽךָּ ׃

שִׂימֵנִי כַֽחוֹתָם עַל ־ לִבֶּךָ כַּֽחוֹתָם עַל ־ זְרוֹעֶךָ כִּֽי ־ עַזָּה כַמָּוֶת אַהֲבָה קָשָׁה כִשְׁאוֹל קִנְאָה רְשָׁפֶיהָ רִשְׁפֵּי אֵשׁ שַׁלְהֶבֶתְיָֽה ׃

הִרְבִּיתָ הַגּוֹי לא הִגְדַּלְתָּ הַשִּׂמְחָה שָׂמְחוּ לְפָנֶיךָ כְּשִׂמְחַת בַּקָּצִיר כַּאֲשֶׁר יָגִילוּ בְּחַלְּקָם שָׁלָֽל ׃

וּמֵעֵץ הַדַּעַת טוֹב וָרָע לֹא תֹאכַל מִמֶּנּוּ כִּי בְּיוֹם אֲכָלְךָ מִמֶּנּוּ מוֹת תָּמֽוּת ׃

יָבוֹא שָׁלוֹם יָנוּחוּ עַל ־ מִשְׁכְּבוֹתָם הֹלֵךְ נְכֹחֽוֹ ׃

טוֹב שֵׁם מִשֶּׁמֶן טוֹב וְיוֹם הַמָּוֶת מִיּוֹם הִוָּלְדֽוֹ ׃